تحریک انصاف کے 24 نومبر کے احتجاج کو ناکام بنانے کے لیے حکومت نے جڑواں شہروں اور لاہور کے تمام داخلی اور خارجی راستے سیل کردیئے ہیں۔ موٹر ویز اور تمام بس اڈے بند ہیں جس کے بعد شہریوں کی پریشانی میں غیرمعمولی اضافہ ہوا ہے اور معمولات زندگی بری طرح متاثر ہیں۔

تفصیلات کے مطابق شہریوں کی بڑی تعداد راولپنڈی ریلوے اسٹیشن پہنچ گئی ہے جہاں مسافروں کا رش دو گناہ بڑھ گیا، متعدد شہریوں کو رش ہونے کے باعث ٹکٹ بھی نہ مل سکا۔

شٹل ٹرین کے باوجود ہزاروں مسافر منزل تک نہ پہنچ سکے اور شہریوں نے راولپنڈی ریلوے اسٹیشن پر ڈیرے لگا لیے۔ ادھر ریلوے حکام کا کہنا ہے کہ مسافروں کو فوری منزل تک پہنچایا جائے گا، دوسری شٹل ٹرین آج چار بجے چلائی جائے گئی۔

علاوہ ازیں اسلام آباد اور راولپنڈی میں کنٹینراورمرکزی شاہروں کی بندش کے باعث معمولات زندگی بری طرح متاثر ہیں۔ جڑواں شہروں کے درجنوں مقامات پر کنٹینر لگا دیے گئے ہیں۔

عمران خان نے واضح کیا ہے 24 نومبر کو احتجاج کے فیصلے پر عمل کریں گے، فیصل چوہدری

احتجاجی ریلیوں کی قیادت سے متعلق حتمی فہرست جاری