سندھ ہائیکورٹ کے حکم پر ایم ڈی کیٹ 2024 کا پرچہ 8 دسمبر کو دوبارہ لیا جائے گا، سکھر آئی بے اے (سیبا) ٹیسٹنگ سروس کی جانب سے جاری اعلامیہ کے مطابق سندھ بھر میں ایم ڈی کیٹ 2024 کے امتحان کا دوبارہ انعقاد کیا جائے گا۔

ایس ٹی ایس کی جانب سے جاری اعلامیہ میں بتایا گیا ہے کہ میڈیکل اور ڈینٹل کالج و جامعات کے داخلہ ٹیسٹ آئی بی اے سکھر کے زیراہتمام ہوں گے۔

سکھر آئی بے اے (سیبا) ٹیسٹنگ سروس کے مطابق امتحانات کراچی، حیدرآباد، میرپور خاص، شہید بینظیرآباد، لاڑکانہ اور سکھر میں ہوںگے۔

اعلامیہ کے مطابق امیدواروں کو اصل ایڈمٹ کارڈ ، شناختی یا اسمارٹ کارڈ، فیملی رجسٹریشن سرٹیفیکٹ، پاسپورٹ،میٹرک اور انٹرمیڈیٹ کی مارک شیٹ لازمی لانا ہوگی۔

اعلامیے میں بتایا گیا ہے کہ امیدوار کو ایڈمٹ سلپ یا اصل دستاویزات کے بغیر ٹیسٹ کی اجازت نہیں ہوگی، طالب علم سینٹر کے حوالے سے ایس ٹی ایس کی ویب سائٹ چیک کرتے رہیں ۔