وزیراعلیٰ پنجاب چوہدری پرویزالہٰی اعتماد کا ووٹ لے پائیں گے یا نہیں؟ مسلم لیگ (ن) پلاننگ میں مصروف ہے۔

وزیراعظم شہبازشریف نے ماڈل ٹاؤن لاہور میں سینئر قیادت کا اہم اجلاس بلایا، 9 جنوری کو پنجاب اسمبلی کے اجلاس کے لئے رہنماؤں اور اراکین سے رابطے میں رہنے کی ہدایت دی۔

اجلاس میں حکومتی اراکین اسمبلی کے ساتھ رابطہ کرنے کے لئے (ن) لیگ اور پیپلز پارٹی کی مشترکہ کمیٹی بنانے پر بھی مشاورت کی گئی۔

اجلاس میں یہ بھی طے کیا گیا کہ اگر وزیراعلیٰ پرویزالہٰی اسمبلی سے اعتماد کا ووٹ نہ لے سکے تو (ن) لیگ کی طرف سے وزیراعلیٰ کے امیدوار کا فیصلہ پیپلزپارٹی اور (ن)لیگ کی مشترکہ کمیٹی میں کیا جائے گا۔