لاہور: پاک ویسٹ انڈیز ون ڈے انٹرنیشنل سیریز ملتان منتقل کردی گئی، سیریز کے مچز 8، 10اور 12جون کو کھیلے جائیں گے۔

پی سی بی کے مطابق پاک ویسٹ انڈیز ون ڈے انٹرنیشنل سیریز کے یہ تینوں میچز آئی سی سی مینز کرکٹ ورلڈ کپ سپر لیگ کا حصہ ہیں، سیریز میں شامل تینوں مچز سہ پہر 4 بجے شروع ہوں گے۔

مہمان اسکواڈ 6 جون کو اسلام آباد پہنچے گا جہاں سے کیربئین اسکواڈ بذریعہ چارٹرڈ طیارہ ملتان روانہ ہوگا۔

قومی اسکواڈ کا تربیتی کیمپ یکم سے 4 جون تک لاہور میں لگایا جائے گا، قومی اسکواڈ 5 جون کو ملتان پہنچے گا۔