کراچی میں سٹی کورٹ نے شاہراہ فیصل ٹریفک حادثے کے ملزم انیق کا تین روزہ جسمانی ریمانڈ منظور کرلیا۔ ملزم نے گاڑی کی ٹکر مار کر موٹرسائیکل سوار میاں بیوی کو ہلاک کردیا تھا۔

کراچی میں شاہراہ فیصل پرکار کی ٹکر سے میاں بیوی جاں بحق ہونے کے واقعہ میں ملوث ملزم کو پولیس نےعدالت میں پیش کیا جہاں عدالت نے ملزم کا 3 دن کا جسمانی ریمانڈ دے دیا۔

عدالت نے گاڑی کے مالک کو گرفتار کرنے کا حکم دیتے ہوئے ہدایت کی کہ ملزم کا میڈیکل کروائیں تاکہ اس کی درست عمرکا تعین ہوسکے۔

کراچی؛ شارع فیصل حادثے میں میاں بیوی کے جاں بحق ہونے والے واقعے کا مقدمہ درج

تفتیشی افسر نے عدالت میں کہا کہ ملزم کی گاڑی کی ٹکر سے 2 لوگ ہلاک ہوئے ہیں۔

عدالت نے ملزم سے سوال کیا کہ آپ کی عمر کیا ہے؟ جس پر ملزم ڈرائیور نے بتایا کہ میری عمر 16 سال ہے۔ تفتیشی افسر کا کہنا تھا کہ ملزم کی عمر 17 سال ہے۔

عدالت نے کہا کہ ملزم کی عمر کا تعین کیا جائے، مالک سے پوچھا جائے کہ اس نے ایک نابالغ کو گاڑی کیوں دی؟

ملزم نے عدالت کے سامنے بیان دیا کہ گاڑی میں چلا رہا تھا، جبکہ گاڑی میرے دوست سعد کی تھی۔

وکیل مدعی نے کہا کہ ملزم سڑکوں پر ریس لگا رہا تھا۔اس پر وکیل ملزم کا کہنا تھا کہ اگر ریس لگا رہے تھے تو دوسری گاڑیاں کہاں ہے؟

وکلاء کی آپس میں تلخ کلامی پر عدالت نے اظہار برہمی کیا، جبکہ عدالت نے آئندہ سماعت پر پیشرفت رپورٹ کرلی۔

کراچی: تیز رفتار ٹرالر نے پریکٹیکل دے کر واپس آنے والے 15 سالہ بچے کو کچل دیا

یاد رہے کہ 26 مارچ کو کارساز روڈ پر تیز رفتار کار نے موٹر سائیکل سوار میاں بیوی کو روند ڈالا تھا، جس کے نتیجے میں دونوں میاں بیوی جان کی بازی ہار گئے۔

کراچی؛ ملیر میں دلخراش ٹریفک حادثے میں جاں بحق میاں بیوی اور نومولود آہوں اور سسکیوں کیساتھ سپردخاک

ریسکیو حکام کا کہنا ہے کہ جاں بحق میاں بیوی کی شناخت ایاز اور اقصیٰ کے نام سے ہوئی ہے، میاں بیوی اللہ والا ٹاؤن کے رہائشی تھے، جو ملازمت سے واپس آرہے تھے۔

لواحقین کے مطابق جاں بحق خاتون نارتھ کراچی کے اسکول میں ٹیچر تھی، جاں بحق ایاز فیکٹری میں ملازمت کرتا تھا۔