انسداد دہشت گردی عدالت اسلام آباد نے بانی پی ٹی آئی کی اہلیہ بشری بی بی کی ضمانت میں 5 مئی تک توسیع کر دی۔ بشریٰ بی بی کے خلاف اسلام آباد کے مختلف تھانوں میں دہشت گردی کی دفعات کے تحت مقدمات درج ہیں۔

اسلام آباد کی انسداد دہشت گردی عدالت میں بشریٰ بی بی کے خلاف 26 نومبر کے احتجاج کے حوالے سے درج مقدمات کی سماعت ہوئی۔ جج ابوالحسنات محمد ذوالقرنین نے ضمانت کی درخواستوں پر سماعت کی۔

26 نومبر احتجاج کیس میں بشری بی بی کی عبوری ضمانت میں 15 اپریل تک توسیع

بشریٰ بی بی نے کیس میں شامل تفتیش ہونے کے لیے بھی درخواست دائر کی۔ انسدادِ دہشت گردی عدالت نے بشریٰ بی بی کی عبوری ضمانت میں 5 مئی تک توسیع کر دی۔

26 نومبر احتجاج؛ پی ٹی آئی رہنماؤں کی عبوری ضمانتوں میں 5 مئی تک توسیع

انسدادِ دہشت گردی عدالت میں بشریٰ بی بی کے وکلا عدالت میں پیش ہوئے۔ بشریٰ بی بی کی جانب سے حاضری سے استثنیٰ کی درخواست بھی کی گئی۔

بشریٰ بی بی کی ضمانت میں توسیع، 23 دسمبر تک گرفتار نہ کرنے کا حکم

یاد رہے کہ بانی پی ٹی آئی عمران خان کی اہلیہ بشریٰ بی بی کے خلاف اسلام آباد کے تھانہ آبپارہ، سیکرٹریٹ، ترنول، رمنا، مارگلہ اور کراچی کمپنی میں مقدمات درج ہیں۔