وزیر اطلاعات پنجاب عظمیٰ بخاری نے کہا ہے کہ کے پی حکومت نے 182ملازمین کو ایک ہی دن میں فارغ کردیا، ایک کروڑ نوکریوں کا جھانسہ دینے والے لوگوں کا روزگار چھیننے پر آگئے ہیں۔ خیبر پختونخوا کے محکمہ اطلاعات سے کروڑ روپے پی ٹی آئی سوشل میڈیا بریگیڈ کو دیئے جاتے ہیں۔

وزیر اطلاعات پنجاب عظمیٰ بخاری نے کہا ہے کہ کے پی حکومت نے مرکز بحالی پروجیکٹ کے 182ملازمین کو ایک ہی دن میں نوکری سے فارغ کردیا ہے، ایک کروڑ نوکریوں کا جھانسہ دینے والے لوگوں کا روزگار چھیننے پر آگئے ہیں۔

انہوں نے کہا کہ کے پی حکومت کے محکمہ اطلاعات سے کروڑوں روپے پی ٹی آئی کے سوشل میڈیا بریگیڈ کو دیئے جاتے ہیں، یہ سوشل میڈیا بریگیڈ دن رات پاکستان اور قومی سلامتی کے اداروں کےخلاف پروپیگنڈے کرتا ہے۔

دہشتگردی کے واقعات کو سیاسی رنگ دینے والے قابل نفرت ہیں، عظمیٰ بخاری

وزیر اطلاعات نے کہا کہ کے پی حکومت کے پاس سرکاری وسائل اور پیسہ احتجاج، جلسے اور مارچ پر خرچ کرنے کے لئے ہر وقت دستیاب ہیں، سرکاری ملازمین کی تنخواہیں ادا کرنے کے لئے گنڈاپور کے پاس فنڈز نہیں ہوتے ہیں۔

وزیر اطلاعات پنجاب عظمیٰ بخاری نے خیبرپختونخوا حکومت کو آڑے ہاتھوں لے لیا

ان کا کہنا تھا کہ گنڈاپور وفاق سے ملنے والا این ایف سی ایوارڈ کا حصہ برابر وصول کرتے ہیں، کے پی میں بلدیاتی نمائندے دو سال سے فنڈز نہ ملنے پر سڑکوں پر ہیں، تعلیمی ادارے کے ملازمین الگ سے احتجاج کرتے ہیں۔

عظمیٰ بخاری کا بیرسٹر سیف کے بیان پر ردعمل سامنے آگیا

عظمیٰ بخاری نے کہا کہ وزیر اعلیٰ پنجاب مریم نواز نے صرف ستھرا پنجاب منصوبے میں ایک لاکھ سے زائد افراد کو نوکریاں دی ہیں، پنجاب کے درجنوں نئے منصوبوں میں ابتک لاکھوں نئی نوکریاں پیدا ہوئی ہیں۔

وزیر اطلاعات پنجاب کا مزید کہنا تھا کہ وزیر اعلیٰ پنجاب مریم نوازعوام کی خدمت میں مصروف ہیں، جبکہ مخالفین عوام کے منہ سے روٹی کا نولہ چھیننے میں مصروف ہیں۔