موٹر سائیکل جلدی دھونے سے انکار کیوں کیا ؟ قلعہ گجر سنگھ میں گاہک نے واشنگ مین کو گولی ماردی۔ واقعے کی سی سیی ٹی وی فوٹیج منظر عام پر آگئی۔

فائرنگ کے واقعے کی کلوزسرکٹ فوٹیج سامنے آ گئی، سی سی ٹی وی کے مطابق ملک علی حسنین ساتھی کے ہمراہ موٹر سائیکل واش کرانے سروس اسٹیشن گیا۔

سروس اسٹیشن ملازم یونس نے کچھ دیر انتظار کرنے کا کہا۔ اسی دوران ملزم نے طیش میں آکر پستول نکالا اور ملازم کو گولی ماردی ۔

پولیس کے مطابق زخمی ہونے والے یونس کو اسپتال منتقل کردیا گیا، ملزم کے خلاف اقدام قتل کا مقدمہ درج کرلیا گیا ، کلوزسرکٹ فوٹیج کے باوجود پولیس ملزمان کو گرفتار نہ کرسکی۔