لاہور ہائیکورٹ بار ایسوسی ایشن کے سالانہ انتخابات میں پروفیشنل گروپ کے صدارتی امیدوار ملک آصف نسوانہ نے انتخابی دنگل جیت لیا، 7 ہزار 50 ووٹوں سے لاہور ہائیکورٹ بار ایسوسی ایشن کےصدر منتخب ہوگئے۔

ملک آصف نسوانی کے مدمقابل انڈیپینڈنٹ گروپ کےناکام صدارتی امیدوار ثاقب اکرم گوندل 6 ہزار 460 ووٹ حاصل کر دوسرے نمبر پر رہے۔

نائب صدر کی نشست پر عبدالرحمن رانجھا نے 8 ہزار 255 ووٹ حاصل کئے۔ سیکرٹری کی نشست پر فرخ الیاس چیمہ 6 ہزار 833 ووٹ حاصل کر کے کامیاب قرار پائے۔

اسد منظور بٹ لاہور ہائیکورٹ بار ایسوسی ایشن کے صدر منتخب

سیکرٹری فنانس کی نشست پر حام بن شعیب کمبوہ بلا مقابلہ کامیاب قرار پائے، بار کے الیکشن میں کل 13 ہزار 602 ووٹ کاسٹ کیے گئے۔

کامیاب اُمیدواروں کے حامی نوجوان وکلاء نے زبردست نعرے بازی کی اور جیت کی خوشی میں بھنگڑے بھی ڈالے۔

اسلام آباد ہائیکورٹ بار نے ججز سینیارٹی لسٹ کو سپریم کورٹ میں چیلنج کر دیا

نومنتخب صدر ملک آصف نسوانہ نے کہا کہ بار اور بینچ کو ساتھ لیکر چلیں گے، وکلاء کی فلاح و بہبود کے ساتھ ساتھ، آئین کی بالادستی اور عدلیہ کی مضبوطی کے لئے کام کریں گے۔

بیرسٹر گوہر کی لاہور ہائیکورٹ بارکے نومنتخب عہدیداروں کو مبارکباد

چیئرمین پاکستان تحریک انصاف بیرسٹر گوہر اور لاہور ہائیکورٹ بار ایسوسی ایشن کا الیکشن جیتے والے پینل کا ٹیلی فونک رابطہ ہوا ہے۔

بیرسٹر گوہر نے نومنتخب عہدیداروں کو مبارکباد دیتے ہوئے کہا کہ لاہور ہائیکورٹ بار ایسوسی ایشن کے الیکشن میں پی ٹی آئی کی جیت پر خوشی ہوئی ہے۔

انہوں نے کہا کہ آصف نسوانہ ملک کو صدر لاہور ہائیکورٹ بار منتخب ہونے پر مبارک باد دیتا ہوں، انہوں نے فرخ الیاس چیمہ اور عبد الرحمان رانجھا کو بھی مبارکباد دی۔

بیرسٹر گوہر نے گفتگو کرتے ہوئے کہا کہ یہ وکلاء کا ریفرنڈم تھا، فیصلہ پی ٹی آئی کے حق میں آیا ہے، امید ہے سب عہدیداران عدلیہ کی آزادی کے لئے کام کریں گے، وکلا کا شہریوں کو انصاف کی فراہمی میں کلیدی کردار ہے۔

اسلام آباد بار کی صدارت کی نشست پر پی ٹی آئی کے واجد علی گیلانی کامیاب

اسلام آباد ہائیکورٹ بار ایسوسی ایشن انتخابات میں پی ٹی آئی وکلا کے حمایت یافتہ امیدوار واجد علی گیلانی اسلام آباد ہائیکورٹ بار کے صدر جبکہ اعظم نذیر تارڑ گروپ کے حمایت یافتہ منظور ججہ سیکرٹری منتخب ہوگئے۔

اسلام آباد ہائیکورٹ بار ایسوسی ایشن کی صدارت کی نشست پر واجد علی گیلانی 974 ووٹ لیکر کامیاب ہوئے، ان کے مدمقابل عبدالواحد قریشی نے 704 ووٹ لے سکے۔

منظور احمد ججہ 844 ووٹ لیکر سیکرٹری منتخب جبکہ سیکرٹری کی نشت پر قاسم نواز عباسی 828 ووٹ لیکر دوسرے نمبر پر رہے۔

نائب صدارت کی نشست پر افتحار احمد باجوہ نے 896 ووٹ لیے، ایڈیشنل سیکرٹری کی نشست پر بشریٰ حق راجہ 825 ووٹ لیکر کامیاب ہوئیں۔

جوائنٹ سیکرٹری کی نشست عمران اشفاق نے955 ووٹ لیکر جیت لی، فنانس سیکرٹری کی نشت پر 966 ووٹ لیکر فضل مولا کامیاب ہوئے، جبکہ محسن عباسی 604 ووٹ لیکر دوسرے نمبر پر رہے۔