پی آئی اے نے برطانوی پروازوں کی تیاریاں تیز کردیں، برطانوی محکمہ ٹرانسپورٹ کے اجلاس میں قومی ائیر لائنز کو اجازت نامہ ملنے کی متوقع ہے۔

برطانوی محکمہ ٹرانسپورٹ کے سیفٹی ریوروو بورڈ کا اجلاس 15مارچ کو متوقع ہے، آئندہ اجلاس میں پاکستانی ائیرلائنز کو اجازت نامہ ملنے کی توقع ہے۔

پی آئی اے پہلے مرحلے میں اسلام آباد سے براہ راست مانچسٹر پرواز چلانے کی منصوبہ بندی کررہی ہے،دوسرے مرحلے میں اسلام آباد اورلاہور سے لندن، برمنگھم شروع کرے گی۔

انتطامیہ نے برطانوی فلائٹ آپریشن کے انتظامات مکمل کر لیے ہیں، گرائونڈ ہینڈلنگ، کریو ہوٹلزکے ٹینڈرز جاری کردیئے گئے ہیں۔

پی آئی اے کا طیارہ اسلام آباد سے پیرس کیلئے روانہ، خواجہ آصف کی پچھلی حکومت پر تنقید

ترجمان پی آئی اے کے مطابق برطانوی محکمہ ٹرانسپورٹ کی جانب سے فیصلے کا انتظار کررہے ہیں، مثبت فیصلہ آنے کی صورت میں فل فورآپریشن کا آغاز کر دیا جائے گا۔

پی آئی اے نے بتایا کہ برطانوی مارکیٹ پی آئی اے نیٹ ورک ایک انتہائی اہم روٹ ہے، مسافروں کو بین الاقوامی معیار کی اطمینان بخش سروسز مہیا کی جائیں گی۔

وزیراعظم نے پی آئی اے کی پیرس کی پروازوں کے اشتہار کی تحقیقات کا حکم دے دیا

ترجمان کے مطابق پابندیوں سے قبل قومی ائیرلائنز کا یورپ برطانیہ روٹ کل آمدن 37 فیصد تھا، پی آئی اے برطانیہ فلائٹس آپریشن کے لیے بوئنگ 777 طیارے استعمال کرے گی۔

قومی ایئرلائن بلندی کی نئی حدیں چھونے کو تیار

ترجمان پی آئی اے کے مطابق برطانیہ فلائٹ آپریشن کے لیے پہلے مرحلے میں ہفتہ وار3 پروازیں آپریٹ کی جائیں گی۔