وزیراعلیٰ خیبر پختونخوا علی امین گنڈاپور نے کہا ہے کہ مریم بی بی مطالعہ پاکستان کا نام میک اپ پاکستان رکھ لیں، مریم نواز نے نانی بننے کے باوجود میک اپ کے ذریعے خود کو فٹ رکھا ہوا ہے، میرے خیال میں مطالعہ پاکستان میں مریم کی تصویر ہونی چاہیے، ان کا نام مطالعہ پاکستان کے لیے نہیں بلکہ میک اپ پاکستان کے لیے ٹھیک رہے گا۔

وزیر اعلیٰ علی امین گنڈاپور نے ڈی آئی خان میں میڈیا سے گفتگو کرتے ہوئے کہا کہ وفاق نے افغانستان سے بات چیت کی لیکن انہیں کامیابی نہ ملی، دو ہفتے کے اندر صوبائی وفد افغانستان بھیج رہا ہوں، مذاکرات کیلئے صوبائی ایگزیکٹیو ہونے کے ناطے کردار اپنا ادا کروں گا، تمام قبائل کے مشیران افغانستان میں بات چیت کریں گے، امید ہے ہمارے جرگے کے ساتھ کامیاب مذاکرات ہوں گے۔

حکومت سے مذاکرات میں مثبت پیشرفت سے متعلق سوال پر گنڈا پور کا جواب

وزیر اطلاعات پنجاب عظمیٰ بخاری نے وزیراعلیٰ خیبر پختونخوا علی امین گنڈاپور کے بیان پر ردعمل دیتے ہوئے کہا ہے کہ جو لوگ مریم نواز سے کارکردگی میں مقابلہ نہیں کرسکتے، وہ اپنی گندی زبان سے مریم نوازکا نام بھی مت لیں۔

کے پی حکومت نے پنجاب پر حملہ کیا، بچوں کو اسکالر شپ نہیں پیٹرول بم اور ڈنڈے دیے، مریم نواز

وزیر اطلاعات پنجاب نے کہا کہ تم ایک صوبے کے چیف ایگزیکٹو ہو، کبھی تو انسانوں کی طرح گفتگو کرلیا کرو، جو منہ میں آتا ہے اپنے بدتمیز لیڈر کی طرح اول فول بک دیتے ہو۔

گنڈاپور کی خطرناک تقریر پر خواجہ آصف نے جواب دے دیا

انہوں نے کہا کہ تمہاری فیملی کی خواتین پر ترس آتا ہے، جو تم جیسے بے شرم کو برداشت کر رہی ہیں، علی امین پختونوں کی غیرت پر سیاہ دھبہ ہے، آئندہ مریم نواز سے متعلق گھٹیا الفاظ استعمال کیے تو حلق سے زبان کھینچ لیں گے۔