پاکستان اور ویسٹ انڈیز کے درمیان 19 برس بعد ہوم ٹیسٹ سیریز ہو رہی ہے، پاکستان نے ویسٹ انڈیز کے خلاف پہلے ٹیسٹ کے لیے پلینگ الیون کا اعلان کردیا جبکہ قومی ٹیم نے مہمان ٹیم کو پھنسانے کے لیے منصوبہ بنا لیا۔

تفصیلات کے مطابق پاکستان کرکٹ بورڈ نے ویسٹ انڈیز کے خلاف پہلے ٹیسٹ کے لیے پلینگ الیون کا اعلان کردیا۔

قومی ٹیم 3 اسپیشلسٹ اسپنر اور ایک فاسٹ بالر کے ساتھ میدان میں اترے گی، نعمان علی، ساجد خان اور ابرار احمد اسپن کا جادو جگائیں گے، فاسٹ بالر خرم شہزاد بھی ٹیم کا حصہ ہیں جبکہ اوپنگ بلے باز محمد ہریرہ پاکستان کی جانب سے ڈیبیو کریں گے۔

پاکستان ٹیم میں کپتان شان مسعود، بابر اعظم، کامران غلام، محمد رضوان اور سعود شکیل شامل ہیں، اس کے علاوہ سلمان علی آغا، اسپنر ساجد خان، نعمان علی، ابرار احمد اور فاسٹ بالر خرم شہزاد بھی ٹیم کا حصہ ہیں۔

پاکستان نے ویسٹ انڈیز کو پھنسانے کا منصوبہ بنالیا

دوسری جانب پاکستان اور ویسٹ انڈیز کے درمیان 19 برس بعد ہوم سیریز منعقد ہو رہی ہے۔ دو ٹیسٹ میچوں کی سیریز کا آغاز کل سے ہو رہا ہے، پہلے ٹیسٹ میچ کا آغاز صبح ساڑھے نو بجے ہوگا۔

ویسٹ انڈیز کے خلاف ٹیسٹ سیریز میں دو اہم کھلاڑیوں کو شامل کرنے کا امکان

قومی ٹیم نے مہمان ٹیم کو زیر کرنے کے لیے اسپن جال میں پھنسانے کا منصوبہ بنایا ہے اور ملتان اسٹیڈیم میں اسپن ٹریک تیار کر لیا گیا ہے۔

پہلا ٹیسٹ میچ کل سے شروع ہو رہا ہے۔ اس میچ میں انگلینڈ کے خلاف ہوم ٹیسٹ سیریز کے ہیرو ساجد خان اور نعمان علی کے ساتھ ابرار احمد ایکشن میں نظر آسکتے ہیں۔

اس سیریز میں اوپننگ جوڑی بھی نئی ہوگی۔ صائم زخمی ہونے کے باعث سیریز کا حصہ نہیں جب کہ عبداللہ شفیق خراب فارم کے باعث ڈراپ کر دیے گئے ہیں۔ اس لیے امام الحق اور محمد ہریرہ اوپننگ کر سکتے ہیں۔

پاکستان کو ویسٹ انڈیز سے ٹیسٹ سیریز جیتے تقریباً 8 سال گزر گئے ہیں۔ دونوں ٹیموں کے درمیان آخری ٹیسٹ سیریز ایک ایک سے برابر رہی تھی تاہم پاکستان کی سر زمین پر ویسٹ انڈیز کا ریکارڈ خراب ہے۔ دنوں ٹیموں کے درمیان سات ٹیسٹ سیریز ہوئیں جس میں صرف ایک بار 1980 میں کامیابی ملی۔

ویسٹ انڈیز کیخلاف قومی ٹیسٹ اسکواڈ کا اعلان کردیا گیا، کون اِن اور کون آؤٹ؟

ویسٹ انڈیز نے پاکستان کی سر زمین پر 21 میچز کھیل رکھے ہیں، ان میں سے صرف چار میں فتح حاصل ہوئی اور 9 میں ہار کو گلے لگایا جبکہ 8 میچز ڈرا رہے۔