پاکستان کوبین الاقوامی انٹرنیٹ ٹریفک سے جوڑنے والی کیبل خراب ہوگئی جس کے باعث ملک سمیت کئی ممالک میں انٹرنیٹ سروسزسست روی کا شکار ہے۔

پی ٹی اے کے مطابق قطرکے قریب سب میرین کیبل میں خرابی گزشتہ روز ہوئی، کیبل خرابی کے باعث انٹرنیٹ اوربراڈ بینڈ صارفین کومسائل کا سامنا کرنا پڑا۔

پی ٹی اے کے مطابق صورتحال کی نگرانی کررہے ہیں اور ٹیلی کام صارفین کو وقتاً فوقتاً آگاہ کرتا رہے گا۔

اس سے قبل پاکستان بھر میں انٹرنیٹ سروس ایک بار پھر متاثر ہونے کا خدشہ ظاہر کیا گیا تھا، قطر کے قریب سب میرین کیبل اے اے ای-1 میں خرابی پیدا ہوگئی۔

پاکستان ٹیلی کمیونیکیشن اتھارٹی (پی ٹی اے) کے مطابق سب میرین کیبل ’اے اے آی-ون‘ میں خرابی کی اطلاع موصول ہوئی ہے۔

ترجمان پی ٹی اے کے مطابق سب میرین کیبل میں خرابی سے متعلق الرٹ جاری کردیا، خرابی کے باعث ملک بھر میں انٹرنیٹ اور براڈ بینڈ صارفین کو مسائل کا سامنا کرنا پڑ سکتا ہے۔

ترجمان کا کہنا تھا کہ کیبل پاکستان کو بین الاقوامی انٹرنیٹ ٹریفک کے لیے جوڑنے والی 7 کیبلز میں سے ایک ہے۔

ترجمان پی ٹی اے کے مطابق متعلقہ ٹیمیں خرابی دور کرنے کے لیے کوشاں ہیں، پی ٹی اے صورتحال کی نگرانی کر رہا ہے اور ٹیلی کام صارفین کو وقتاً فوقتاً آگاہ کرتا رہے گا۔