رواں مالی سال کے پہلے 5 ماہ میں ترسیلات زر اور برآمدات میں اضافہ ریکارڈ کیا گیا، درآمدات، بیرونی سرمایہ کاری، زرمبادلہ ذخائر اور روپے کی قدر میں بھی اضافہ ہوا۔

وزارت خزانہ نے ماہانہ معاشی آؤٹ لک جاری کردی ہے، رپورٹ کے مطابق مرکزی بینک کے مالی ذخائر میں 7.2 ارب ڈالر سے بڑھ کر 11.85 ڈالر تک پہنچ گئے۔

ایس آئی ایف سی کی معاونت سے زرمبادلہ کے ذخائر میں اضافہ

جاری رپورٹ کے مطابق گزشتہ سال کی نسبت رواں مالی سال ترسیلات زر میں 33.6 فیصد کا اضافہ ہوا، 5 ماہ میں ترسیلات زر 14.77 ارب ڈالر رہیں۔

رپورٹ کے مطابق جولائی تا نومبر برآمدات 7.4 فیصد اور درآمدات 8.3 فیصد بڑھیں، کل بیرونی سرمایہ کاری میں 42.2 فیصد کا اضافہ ہوا، چار ماہ میں ایف بی آر محصولات میں 23.2 فیصد کا اضافہ ہوا۔

وزارت خزانہ کی رپورٹ میں بتایا گیا ہے کہ نان ٹیکس آمدنی میں 101.3 فیصد کا اضافہ ریکارڈ کیا گیا، جبکہ 4 ماہ میں مالی خسارہ 495 ارب روپے سرپلس رہا۔

زرمبادلہ کے سرکاری ذخائر میں ایک ہفتے کے دوران 2 کروڑ 90 لاکھ ڈالر کا اضافہ

رپورٹ کے مطابق زرعی شعبے کو قرضوں میں 8.5 فیصد اضافہ ریکارڈ کیا گیا، جولائی تا نومبر افراط زر کی شرح 29.2 فیصد سے کم ہو کر 4.9 فیصد پر آگئی، بڑی صنعتوں کی پیداوار میں پانچ ماہ میں 0.02 فیصد کا اضافہ ہوا۔