رکنِ سندھ اسمبلی سعدیہ جاوید نے کہا ہے کہ سندھ کے عوام نے پی ٹی آئی کی انتشارپسند سیاست کو مسترد کر دیا ہے، کراچی سے پی ٹی آئی کے 5 ڈرامہ باز اسلام آباد کیلئے نکلے، 2 وزیراعلیٰ ہائوس پشاور چلے گئے، 3 واپس کراچی آچکے ہیں۔

ایم پی اے سعدیہ جاوید نے کہا کہ پی ٹی آئی کا ڈرامہ بشریٰ اینڈ فرح گوگی کمپنی کی سیاسی لانچنگ ہے، کراچی سمیت سندھ بھر میں زندگی معمول کے مطابق ہے۔

سعدیہ جاوید نے کہا کہ یوتھیو ! تبدیلی آنہیں رہی، تبدیلی اب آچکی ہے، تمام یوتھیوں کو بشریٰ اینڈ فرح گوگی کمپنی کی قیادت مبارک ہو، بشریٰ اینڈ فرح گوگی کمپنی نے علیمہ اینڈ عظمیٰ خان کمپنی کا پتہ صاف کردیا ہے۔

انہوں نے کہا کہ بشریٰ اینڈ فرح گوگی کمپنی کی باگ ڈور سنبھالنا پی ٹی آئی سے نیازی کی دی اینڈ ہے، بشریٰ اینڈ فرح گوگی کمپنی ہر وہ کام کرے گی جس سے عمران نیازی جیل سے باہر نہ نکلے۔

رکنِ سندھ اسمبلی سعدیہ جاوید بشریٰ اینڈ فرح گوگی کمپنی کی لانچنگ کے بعد عمران نیازی کے خلاف اب کسی کو کچھ کرنے کی ضرورت نہیں رہی ہے۔