گھوٹکی میں بدنام ڈاکو نواز وسمیجو نے خود کو پولیس کے حوالے کر دیا، خطرناک ڈاکو اغوا، قتل رہزنی جیسے 35 مقدمات میں پولیس کو مطلوب تھا، ڈاکو نواز وسمیجو نے کہا کہ جرائم کی دنیا عذاب سے کم نہیں ہے۔

پولیس کی جانب سے بتایا گیا ہے کہ اغوا، قتل اور رہزنی جیسے 35 مقدمات میں مطلوب بدنام ڈاکو نواز وسمیجو نے ڈی ایس پی کے پاس پہنچ کر گرفتاری دی۔

ڈاکو نواز وسمیجو نے کہا کہ جرائم کی دنیا عذاب سے کم نہیں ہے، اس لیے چھوڑنے پر مجبور ہوا ہوں، ساتھی بھی جرائم کو چھوڑ سکون کی زندگی گزاریں۔

ڈی ایس پی عبد القادر سومرو نے کہا کہ دیگر جرائم پیشہ افراد بھی کرائم کو چھوڑ کر خود کو پولیس کے حوالے کردیں، پیش ہونے والے ملزمان کو انصاف دیا جائے گا۔