مسلم لیگ (ن) کے صدر نواز شریف کے لندن جانے کے پروگرام میں تبدیلی کا امکان ہے۔

تفصیلات کے مطابق سابق وزیراعظم نواز شریف کے لندن جانے کے پروگرام میں تبدیلی کا امکان ظاہر کیا جارہا ہے۔

ذرائع کا کہنا ہے کہ نواز شریف شیڈول کے مطابق آج دبئی پہنچے ہیں لیکن ان کے لندن پہنچنے کے حوالے سےاب تک حتمی فیصلہ نہیں ہوا۔

شیڈول کے مطابق نوازشریف نے ایک دن دبئی رک کر ہفتے کو لندن پہنچنا تھا لیکن اب وہ منگل کو لندن پہنچیں گے۔

پارٹی ذرائع کا کہنا ہے کہ نواز شریف کے لندن پہچنے پر (ن) لیگ برطانیہ نے ان کے پرجوش استقبال کا اعلان کیا ہے۔

ذرائع کے مطابق وزیراعلی مریم نواز نومبر کے پہلے ہفتے لندن پہنچیں گی، نواز شریف اور مریم نواز اکٹھے یورپ کا دورہ کریں گے، لندن میں مختصر قیام کے بعد نوازشریف امریکا بھی جائیں گے۔