وزیراطلاعات پنجاب عظمیٰ بخاری نے راولپنڈی میں تحریک انصاف (پی ٹی آئی) کے احتجاج سے متعلق کہا ہے کہ گنڈاپور کے ساتھ پھر موئے موئے ہوگیا، سر پٹخ پٹخ کر واپس لوٹ گیا ہے۔

وزیراطلاعات پنجاب نے کہا ہے کہ پنجاب میں غنڈہ گردی نہیں قانون کی حکمرانی چلےگی، وزیر اعلی پنجاب کواپنی حکومت کی رٹ منوانی آتی ہے، فساد گروپ والوں کے ساتھ توموئے موئے ہوگیا، چلو بھاگو۔

لاہور میں پریس کانفرنس کے دوران انہوں نے کہا کہ آج انھوں نے پنڈی میں فساد کا پروگرام بنایا ہے، کے پی کے میں سیکیورٹی اداروں پر حملے ہورہے ہیں، وزیر اعلیٰ کے پی کے صوابی کے لئے نکل چکے ہیں۔

انہوں نے کہا کہ وہ کرین اور فائر بریگیڈ لے کر پنڈی پر یلغار کرنا چاہتے ہیں، وزیراعلیٰ کے ہاتھ میں عام آدمی کے مسائل حل کرنے کی فائل ہونی چاہیے یا اے کے 47 ، کیا کوئی سیاسی جماعت اسلح کے ساتھ جلسہ کرنے آتی ہے۔

عظمیٰ بخاری نے کہا کہ پنڈی میں ان کو جلسہ کرنے کی اجازت نہیں ملی ہے ،دفعہ ایک سو چوالیس نافذ ہے، کرم میں لڑائی جاری ہے، جس میں پانچ افراد اب تک جاں بحق ہوچکے ہیں۔

انہوں نے کہا کہ کے پی کے بدترین حالات ہیں اور وہاں کے پیسے پنجاب پر یلغار کے لئے لگ رہے ہیں، لاتوں کے بھوت باتوں سے نہیں مانتے ان کو دوسرے طریقے سے ٹھیک کرنا پڑے گا۔

گنڈا پور ’بھرپور تیاری‘ کے ساتھ راولپنڈی کیلئے روانہ، ریسکیو کی 25 گاڑیاں صوابی آمد

ان کا کہنا تھا کہ ہمارے پاس یہ اطلاعات ہیں یہ شرپسندی کیسے کرنا چاہتے ہیں، آج ان کو ماحول خراب کرنے کی اجازت نہیں دی جائے گی، شنگھائی تعاون تنظیم اسلام آباد میں ہونے جارہی ہے یہ اس کو نقصان پہنچانا چاہتے ہیں۔

عظمیٰ بخاری نے کہا کہ ایک سو چھبیس دن کے دھرنوں کے بعد یہ بوریا بستر لپیٹ کر نکلے تھے، اس سے پہلے پرویز خٹک بھی اسلام آباد آنے کی کوشش کرچکے ہیں، کہتے ہیں گنڈاپور پنجاب آگیا بھائی گنڈاپور اٹک کے پل سے نہیں آیا۔

انہوں نے کہا کہ جب اٹک کے پل سے نہیں آنے دینا تو نہیں آنے دیں گے، پٹرول بم انھوں نے بچوں کو چلانا سکھا دیئے ہیں ، وہ ہم چلانے کی اجازت نہیں دے گے، گنڈاپور صاحب صوابی سے آرہے ہیں ان کو آنے کی اجازت نہیں دی جائے گی۔

عظمیٰ بخاری نے کہا کہ شہباز شریف نے پوری دنیا کو جھنجھوڑنے کی کوشش کی ہے، اسرائیلی وزیر اعظم کی تقریر کے دوران ان کی تقریر کا بائیکاٹ کرنا بہترین ہے، اب لبنان کو غزہ بنانے کی کوشش کی جارہی ہے۔

ایسے لوگوں سے کوئی ہمدردی نہیں کی جاسکتی، طلال چوہدری

سینیٹر طلال چوہدری نے فیصل آباد میں میڈیا سے گفتگو کرتے ہوئے کہا کہ چند عناصر اداروں کے خلاف مذموم مہم چلاتے ہیں، ملک کو نقصان پہنچانے کیلئے شرپسند کسی بھی حد تک جاسکتے ہیں، ایسے لوگوں سے کوئی ہمدردی نہیں کی جاسکتی۔

پنجاب پہ چڑھائی کی اجازت نہیں دیں گے، مریم اورنگزیب

لیگی رہنما مریم اورنگزیب نے کہا ہے کہ 9 مئی کا ماسٹرفساد، خون خرابہ اور ملک میں لاشیں چاہتا ہے ایک صوبےکی پولیس اورلشکرلےکرپنجاب پہ چڑھائی کا ہرہفتےخطرناک کھیل کھیلا جاتا ہے، پنجاب پہ چڑھائی کی اجازت نہیں دیں گے، اسےاحتجاج نہیں دہشت گردی کہا جاتا ہے۔

مریم اورنگ زیب کا کہنا تھا کہ 9 مئی کے ماسٹر مائنڈ کی ہدایت پروزیراعلی کے پی ہرہفتے پنجاب میں لشکر کشی اورفساد کرتا ہے، نجاب پولیس پرآنسو گیس ، پتھر اورگلیلوں سےشیشے پھنکیں جا رہے ہیں، یبر پختونخوا کی مشینری اورگاڑیاں اس فساد اورغنڈہ گردی کے لئے استعمال ہو رہی ہیں۔

انکا مزید کہنا تھا کہ بانی پی ٹی آئی اور پی ٹی آئی ملک میں امن اور ترقی کے دشمن ہیں، لاہور میں جلسہ لاہور کے لوگوں نے مسترد کیا، راولپنڈی کا جلسہ راولپنڈی کے لوگوں مسترد کریں گے۔