مشیر اطلاعات خیبرپختونخوا بیرسٹر ڈاکٹر سیف نے کہا ہے کہ مینڈیٹ چور وزرا الیکشن ایکٹ کے کالے قانون کا بے شرمی سے دفاع کر رہے ہیں۔

اپنے ایک بیان میں مشیر اطلاعات خیبرپختونخوا بیرسٹر ڈاکٹر سیف کا کہنا تھا کہ دھڑن تختہ شیخ حسینہ کا ہوگیا اور اوسان ن لیگ کے خطا ہوگئے، جعلی فارم 47 سرکار کا خاتمہ قریب ہے اس لیے الٹے سیدھے بیانات دے رہے ہیں، مینڈیٹ چور سرکار پی ٹی آئی کی عوامی طاقت سے خائف ہے۔

بیرسٹر سیف کا کہنا تھا کہ عمران خان اسی جیل میں جعلی مقدمات کا ڈٹ کر مقابلہ کر رہے ہیں جس جیل سے 2 بار شریف خاندان ڈیل کر کے رہ فرار اختیار کر چکا ہے، جعلی وزرا کے جعلی لیڈر جیل میں تمام سہولیات کے باوجود ڈیل کرکے لندن بھاگ گئے تھے، عمران خان ایک سال سے اسی جیل میں ہیں جہاں شریف خاندان کے پلیٹ لیٹس گرتے تھے۔

صوبائی مشیر اطلاعات کا مزید کہنا تھا کہ بانی پی ٹی آئی عمران خان جیل میں بھی عوام کی حقیقی ترجمانی کر رہے ہیں۔