وزیرخوراک خیبرپختونخوا ظاہر شاہ طورو نے مردان میں گرڈ اسٹیشن میں داخل ہوکر 5 سے زائد فیڈرز پر بجلی بحال کرادی۔

صوبائی وزیر خیبرپختونخوا ظاہر شاہ طورو نے مردان میں گریڈ اسٹیشن کا دورہ کیا، جہاں انہوں نے گریڈ اسٹیشن میں بجلی لوڈشیڈنگ سے متعلق پیسکو حکام سے ملاقات کی۔

وزیر خوراک خیبرپختونخوا کو دھمکیاں ملنے کا انکشاف، سی سی پی او کو خط لکھ دیا

اس موقع پر ظاہر شاہ طورو نے گریڈ اسٹیشن میں 5 سے زائد فیڈرز پر بجلی بحال کروا دی۔

ایم این اے زبیر خان وزیر نے زبردستی گرڈ اسٹیشن میں گھس کر بجلی بحال کردی

وزیر خوراک خیبر پختونخوا کا کہنا تھا کہ متعلقہ فیڈرز پر لوڈشیڈنگ کا دورانیہ 18 گھنٹوں سے زیادہ تھا، لوڈشیڈنگ نے عوام کا برا حال کردیا ہے۔

انہوں نے کہا کہ پشاور الیکٹرک سپلائی کمپنی (پیسکو) حکام سے بجلی بحال کرانے کی درخواست کی ، میری درخواست کو قبول کرتے ہوئے پیسکو نے بجلی بحال کی۔

ظاہر شاہ طورو نے مزید کہا کہ مردان کے علاقے رورل۔1، باغ ارم، عید گاہ، مستری آباد ، شیخ ملتون ٹاؤن، نوے کلے اور احمد آباد کو بجلی بحال کی گئی۔

فضل الہیٰ اور پولیس کے مذاکرات کامیاب، رحمان بابا گریڈ اسٹیشن پر جاری احتجاج ختم

صوبائی وزیر خیبرپختونخوا نے واپڈا حکام کو ہدایت کی کہ شیڈول لوڈ شیڈنگ کے علاوہ بجلی کی فراہمی ہر صورت یقینی بنائی جائے۔