کھیلوں کے میدان سے پاکستان جونیئر والی بال کے لئے اچھی خبر سامنے آگئی، پاکستان جونیئر والی بال ٹیم سینٹرل ایشین انڈر 18 والی بال چیمئین بن گیا۔ فائنل میں گرین شرٹس نے ایران کو شکست دی۔

ازبکستان میں کھیلی جانیوالے ایونٹ میں پاکستان نے پہلی بار انڈر 18 والی بال چیمپئین شپ کا ٹائٹل جیت لیا۔ فائنل میں پاکستان نے ایران کوایک کے مقابلے میں تین سیٹ سے شکست دی۔

اسکور بورڈ پر دونوں ٹیموں کا اسکوربیس پچیس، پچیس اٹھارہ، پچیس تئیس ، ستائیس پچیس رہا۔

پاکستان والی بال فیڈریشن کے چئرمین چوہدری یعقوب کی جونیئر ٹیم کو شاندار کامیابی پر مبارکباد دی۔ پاکستان کے طلال بہترین، محمد یحیی، جبران ٹورنامنٹ کے بہترین کھلاڑی قرار پائے۔