لاہور ہائیکورٹ نے ریٹائرڈ ججز کو بطور الیکشن ٹربیونلز مقرر کرنے کیخلاف درخواست کے قابلِ سماعت ہونے سے متعلق فیصلہ محفوظ کرلیا۔

لاہور ہائیکورٹ کے جسٹس شاہد کریم نے شہری آمنہ لیاقت کی درخواست پر سماعت کی۔

درخواست گزار کی جانب سے ایڈوکیٹ اظہر صدیق نے عدالت میں دلائل دیتے ہوئے مؤقف اختیار کیا گیا کہ یوسف رضا گیلانی نے بطور قائم مقام صدر مملکت وزیر اعظم شہباز شریف کی سفارش پر ریٹائرڈ ججز کو بطور الیکشن ٹریبونل تعینات کرنے کا الیکشن ترمیمی آرڈیننس جاری کیا، یہ صدارتی آرڈیننس بدنیتی پر مبنی ہے، ٹربیونل مقرر کرنے کے بارے میں لاہور ہائیکورٹ کا فیصلہ آچکا ہے۔

ریٹائرڈ ججز کی الیکشن ٹربیونل میں تعیناتی کیخلاف درخواست پر تحریری فیصلہ جاری

درخواست گزار نے استدعا کی کہ اس آرڈنینس کا اطلاق الیکشن 2024 پر نہیں ہو سکتا لہذا صدارتی آرڈیننس کو غیر آئینی قرار دیا جائے۔

سماعت کے بعد لاہور ہائیکورٹ نے ریٹائرڈ ججز کو بطور الیکشن ٹربیونلز مقرر کرنے کے خلاف درخواست کے قابلِ سماعت ہونے سے متعلق فیصلہ محفوظ کرلیا۔