وزیراعظم شہباز شریف نے گندم کی خریداری میں ٹیکنالوجی کا استعمال نہ کرنے اورغفلت برتنے پر پاسکو کے ایم ڈی اور جنرل مینیجر پروکیورمنٹ کو معطل کرنے کی ہدایت کردی۔

وز یراعظم کی ہدایت پر پاسکوکے منیجنگ ڈائریکٹر اور جنرل مینیجر پروکیورمنٹ کومعطل کر دیا گیا وزیراعظم نے اجلاس میں گندم کی خریداری کے لیے ایپ تیار نہ کرنے پر برہمی کا اظہار کیا اور ہدایت کی کہ خریداری کا عمل صاف شفاف بنانے کیلئے ٹیکنالوجی استعمال کی جائے۔

شہباز شریف نے گندم بحران پر پاسکو اسٹاک کا تھرڈ پارٹی آڈٹ کروانے کی ہدایت کرتے ہوئے کہا کہ چار لاکھ میٹرک ٹن اضافی گندم کی شفاف طریقے سے خریداری کی جائے۔

وزیراعظم نے کہا کہ کسانوں شہباز شریف نے اجلاس میں پاسکو کو چارلاکھ میٹرک ٹن اضافی گندم شفاف طریقےسےخریدنے کی ہدایت کی۔

انھوں نے کہا کہ نقصان کسی صورت برداشت نہیں کیا جائے گا، انکی ترقی و خوشحالی کے لئے بھرپور اقدامات کیے جائیں گے۔

گندم کی درآمد پر وفاقی وزیرتجارت جام کمال کا بیان

گندم کی درآمد پر وفاقی وزیرتجارت جام کمال نے کہا کہ گندم کی درآمد سے متعلق حکومت نے کوئی فیصلہ نہیں کیا، گندم درآمد کی اجازت نگراں حکومت نے دی،

جام کمال کا مزید کہنا تھا کہ سابق نگراں وزیراعظم کو ذمہ دار ٹھہرانا قبل ازوقت ہے، انھوں نے کہا کہ تحقیقات جاری ہیں، جہاں غفلت نظر آئی معطل کیا جائے گا۔