قبائلی اضلاع کے پولیس اہلکاروں نے مطالبات کے حق میں ضلع خیبر میں احتجاجی دھرنا دے دیا۔

دھرنے سے پولیس حکام نے خطاب کرتے ہوئے کہا کہ قبائلی اضلاع کے پولیس اہلکار فرنٹ لائن میں دہشت گردی کے خلاف جنگ میں لڑتے ہیں اس کے باوجود شہید پیکج سے محروم ہیں۔

مقررین نے کہا کہ فاٹا کو صوبے میں شامل کرنے کے 6 سال گزرگئے تاہم انہیں سروس اسٹرکچر ملا ہے اور نہ درکاری اسلحہ فرام کیا گیا ہے۔

انہوں نے مزید کہا کہ قبائلی اضلاع میں 28 ہزار پولیس اہلکار ہیں، اگر انہیں صوبے کے برابر تمام مراعات اور سہولہات فراہم نہ کی گئی تو وہ قبائلی اضلاع کے ڈی پی اوز کے دفاتر کو تالے لگائیں گے۔

دھرنے میں قبائلی اضلاع کے درجنوں پولیس حکام نے شرکت کی۔