پاکستان تحریک انصاف (پی ٹی آئی) نے 9 مئی سے متعلق 2 اور سابق نگراں وزیراعظم کے فارم 47 سے متعلق بیان پر سپریم کورٹ میں پٹیشن دائر کرنے کا فیصلہ کیا ہے۔

اڈیالہ جیل میں بانی پی ٹی آئی عمران خان سے ملاقات کے بعد باہر میڈیا سے گفتگو کرتے ہوئے تحریک انصاف کے رہنما رؤف حسن نے کہا کہ سابق وزیراعظم عمران خان نے مزید 3 رٹ پٹیشنز سپریم کورٹ میں دائر کرنے کی ہدایت کی ہے۔

9 مئی والوں کو ایسی سزا دیں گے جو رہتی دنیا تک یاد رکھی جائے گی، وزیراعظم

مظلوم بننے والے 9 مئی کے اصل لیڈروں کا اب احتساب ہوگا، آرمی چیف

رؤف حسن نے بتایا کہ پہلی پٹیشن 9 مئی کے دن ملٹری انسٹالیشنز پر سی سی ٹی وی فوٹیجز کی برآمدگی کے حوالے سے ہے، دوسری پٹیشن 9 مئی کو 16 کارکنوں کے قتل سے متعلق ہے، تیسری پٹیشن سابق نگراں وزیر اعظم کاکڑ صاحب کے فارم 47 کے حوالے سے دائر کی جائے گی۔

پی ٹی آئی رہنما کا کہنا تھا کہ بانی پی ٹی آئی عمران خان نے سابق صدر عارف علوی کو اہم ذمہ داری سونپ دی ہے۔

سانحہ 9 مئی کیخلاف سندھ، بلوچستان اور پنجاب اسمبلی میں مذمتی قرار دادیں منظور

انہوں نے مزید کہا کہ بانی پی ٹی آئی نے حکم دیا ہے کہ سی سی ٹی وی فوٹیجز کی چوری لندن پلان کا حصہ ہے، عمران خان نے جوڈیشل کمیشن میں اپنی گرفتاری کی سی سی ٹی وی فوٹیجز کی چوری کی بات بھی کی ہے، ہم ایک اور پٹیشن دائر کررہے ہیں سابق کمشنر راولپنڈی کے حوالے سے کہ انہیں عدالت میں پیش کیا جائے۔