جی ٹی روڈ پر ہول سیل شاپ میں ڈکیتی کی بڑی واردات، ڈاکو 25 لاکھ روپے نقدی اور 40 لاکھ سے زائد کے موبائل فونز لوٹ کر فرار ہو گئے۔

زیرآباد میں جی ٹی روڈ پر پل کے نیچے واقع ایم چائنہ موبائل فونز کی ہول سیل شاپ میں ڈکیتی کی ایک بڑی واردات رونما ہوئی ہے۔

جہاں ڈکیت دکاندار سے 25 لاکھ روپے نقدی اور 40 لاکھ روپے سے زائد کے فونز لوٹ کر فرار ہوگئے ہیں۔

آج نیوز کو موصول ہونے والی سی سی ٹی وی فوٹیج میں دیکھا جا سکتا ہے کہ اسلحہ سے لیس 4 ڈاکو دکان میں داخل ہوئے اور دکان میں موجود موبائل فونز کو تھیلوں اور کارٹنز میں ڈال کر فرار ہو گئے۔

شاپ مالکان کے مطابق ڈاکو 25 لاکھ روپے کیش اور 40 لاکھ روپے کے موبائلز لوٹ کر فرار ہوئے۔

یہ بھی معلوم ہوا ہے کہ ڈاکوؤں نے واردات سے پہلے ایک برگر پوائنٹ پر بھی فائرنگ کی، ڈاکو جاتے ہوئے دکان کے شٹر بھی بند کر گئے جبکہ پولیس واردات کے آدھا گھنٹہ بعد موقع پر پہنچی۔

پولیس کی جانب سے موقع واردات کو گھیرے میں لے کر تحقیقات کا آغاز کر دیا ہے۔

جبکہ سی سی ٹی وی کیمروں کی مدد سے ڈاکوؤں تک پہنچنے کی کوشش کی جا رہی ہے۔