پاکستان تحریک انصاف کے بانی رکن اکبر ایس بابر نے کہا ہے کہ ایک شخص نے پی ٹی آئی پر قبضہ کیا ہوا ہے۔

اپنے ایک بیان میں اکبر ایس بابر نے کہا کہ پی ٹی آئی بد سے بدتر ہوگئی، جمہوریت کے بجائے آمریت آگئی، ایک شخص نے پی ٹی آئی پر قبضہ کیا ہوا ہے۔

اکبرایس بابر نے کہا کہ سچائی سامنے آہی جاتی ہے، میں پی ٹی آئی کا بانی رکن ہوں، جسے آج تسلیم کیا گیا، پی ٹی آئی کا منشوربنانےوالوں میں شامل ہوں۔

انہوں نے مزید کہا کہ ہم بادشاہت اور قبضے کی سیاست کو ختم کرنا چاہتے ہیں، میں نے 2014 میں فارن فنڈنگ کیس کیا، میں فارن فنڈنگ کیس میں بھی سرخرو ہوا۔