خیبر پختونخوا کے ضلع ٹانک میں فائرنگ کے نتیجے میں سابق رکن قومی اسمبلی حبیب اللہ خان کنڈی جاں بحق ہوگئے۔

حبیب اللہ خان کنڈی پر فائرنگ کا افسوسناک واقعہ ٹانک کے گاؤں رنوال میں پیش آیا۔

پولیس کے مطابق نامعلوم افراد نے فائرنگ کرکے سابق ایم این اے کو قتل کردیا۔

اس حوالے سے پولیس نے مزید بتایا کہ فاٸرنگ کے بعد نامعلوم افراد موقع سے فرار ہوگئے۔

پولیس کا کہنا ہے کہ جائے وقوعہ سے شواہد اکٹھے کرکے تحقیقات کی جائیں گی۔