نوازشریف کی وطن واپسی کی تاریخ سامنے آتے ہی مریم نواز نے طویل عرصے بعد اپنے ایکس (ٹوئٹر) اکاؤنٹ کی پروفائل پکچرتبدیل کرلی۔

مسلم لیگ ن کی چیف آرگنائزرکی نئی ایکس ڈی پی ان کے والد کی وطن واپسی کی تاریخ سے جُڑی ہے۔

مریم نواز کی جانب سے نواز شریف کی ایک پُرانی تصویرلگائی گئی ہے جس میں وہ اپنے استقبال کا خیر مقدم کرتے دکھائی دے رہے ہیں۔

مریم نواز نے یہی تصویر اپنی فیس بک اور انسٹا ڈی پی کے طور پر لگائی ہے۔

واضح رہے کہ گزشتہ روز شہبازشریف نے بڑے بھائی کی وطن واپسی کا اعلان کرتے ہوئے بتایا تھا کہ نواز شریف 21 اکتوبر کو پاکستان پہنچیں گے۔

مزید پڑھیں: نوازشریف کو وطن واپسی پر کن مقدمات کا سامنا کرنا پڑے گا

پاناما پیپرز میں تاحیات نااہلی کی سزا پانے والے نواز شریف سال 2019 سے لندن میں جلا وطنی کی زندگی گزار رہے ہیں۔

وہ 2019 میں عدالت سے 4 ہفتے کی اجازت لیکر علاج کیلئے لندن روانہ ہوئے تھے تاہم اس کے بعد سے وطن واپس نہیں آئے، عدم واپسی پراُن کے ناقابل ضمانت وارنٹ گرفتاری جاری کیےگئے تھے۔