کابینہ کمیٹی برائے قانون سازی نے صدر کا پولنگ کی تاریخ دینے کا اختیار ختم کرنے کے لیے اہم ترمیم منظور کرلی۔

وفاقی وزیر قانون اعظم نذیر تارڑ کی زیرصدارت کابینہ کمیٹی برائے قانون سازی کا اجلاس ہوا۔

کابینہ کمیٹی برائے قانون سازی نے الیکشن کمیشن کی صدر کا انتخابی تاریخ دینے کا اختیار ختم کرنے کی تجویز پر ترمیم کی منظوری دی۔

کابینہ کی کمیٹی برائے قانون سازی نے الیکشن ایکٹ کے سیکشن 57 اور 58 میں ترمیم کی منظوری دے دی۔

ذرائع کے مطابق سیکشن 57 کے تحت الیکشن کمیشن انتخابی تاریخ کے لیے صدر سے مشاورت کا پابند ہے۔

ذرائع کا کہنا ہے کہ نئی ترمیم کے بعد صدر کے پاس تاریخ دینے کا اختیار نہیں رہے گا، منظور شدہ ترمیم کا مسودہ کابینہ کے آئندہ اجلاس میں پیش ہوگا۔