سپریم کورٹ نے پنجاب اور خیبرپختونخوا میں انتخابات کی تاریخ سے متعلق دائر درخواست کو نمبر الاٹ کر دیا، اسلام آباد ہائیکورٹ بار ایسوسی ایشن کی درخواست جلد سماعت کے لئے مقرر ہونے کا امکان ہے

اسلام آباد ہائیکورٹ بار ایسوسی ایشن کی آئینی درخواست پر کوئی اعتراض عائد نہ ہوا۔

سپریم کورٹ میں پنجاب اور خیبرپختونخوا میں الیکشن کی تاریخ کے لیے دائر درخواست پر جلد سماعت کا امکان ہے۔

درخواست میں استدعا کی گئی ہے کہ سپریم کورٹ گورنر اور الیکشن کمیشن کو انتخابات کی تاریخ کے اعلان کا حکم دے، سپریم کورٹ حکم دے کہ 90 دن کے اندر انتخابات کے انعقاد کو یقینی بنایا جائے۔

اسلام آباد ہائیکورٹ بار کے صدر شعیب شاہین نے صدر سپریم کورٹ بار کی وساطت سے درخواست دائر کی ہے۔

درخواست میں پنجاب اور خیبرپختونخوا کے گورنروں اور الیکشن کمیشن کو فریق بنایا گیا ہے جبکہ وفاق اور دونوں صوبائی چیف سیکرٹریوں بھی فریق ہیں۔