لکی مروت میں پولیس چوکی منظر فقیر پر دہشت گردوں نے حملہ کیا ہے، حملے میں پولیس اہلکار محفوظ رہے۔

پولیس ذرائع کے مطابق لکی مروت میں منظر فقیر پولیس چوکی پر دہشت گردوں نے فائرنگ اور دستی بموں سے حملہ کیا، حملہ آوروں اور پولیس کے درمیان فائرنگ کا تبادلہ ایک گھنٹے تک جاری رہا۔

جوابی کارروائی سے پولیس نے حملہ اوروں کا حملہ پسپا کر دیا، حملے میں چوکی میں موجود تمام پولیس اہلکار محفوظ رہے۔