وزیر اعلیٰ پنجاب چوہدری پرویز الہیٰ نے کہا ہے کہ افواج پاکستان سرحدوں کی حفاظت کی ضامن اور ہمارا فخر ہے، فوج کے خلاف پروپیگنڈا ملک دشمن ہی کرسکتا ہے۔

وزیر اعلی پنجاب نے اپنے ایک بیان میں کہا کہ جو کوئی بھی فوج کے خلاف بات کرتا ہے اس کو ڈیکلیئر کیا جائے کہ وہ پاکستان اور دین اسلام کا دشمن ہے، کسی بھی شکل میں افواج پاکستان کے خلاف بات نہیں کرسکتے، نون لیگ والے غلط اور بے بنیاد پروپیگنڈا کر رہے ہیں۔

چوہدری پرویز الٰہی نے مزید کہا کہ عمران خان، تحریک انصاف اور ہم افواج پاکستان کے ساتھ ہیں، کسی کو بھی فوج کا نام بدنام کرکے سیاسی مقاصد حاصل کرنے نہیں دیں گے، نون لیگ کے میڈیا سیل سے جھوٹا پراپیگنڈا کیا جا رہا ہے۔