اسلام آباد: وفاقی وزیر داخلہ رانا ثناء اللہ نے کہا ہے کہ عدالت سے استدعا کی ہے کہ سماعت فل کورٹ کرے، فل کورٹ پرتمام جماعتیں متفق ہیں، فل کورٹ نہیں بنا تو کارروائی کا بائیکاٹ کریں گے۔

اسلام آباد میں سپریم کورٹ کے باہر میڈیا سے گفتگو کرتے ہوئے رانا ثناء اللہ نے کہا کہ تمام درخواستوں کو یکجا کر کے سنا جائے، ہم سمجھے ہیں کہ فل کورٹ سےعدالت کی توقیرمیں اضافہ ہوگا۔

وزیر داخلہ کا کہنا تھا کہ کہ ڈی سیٹ ہونےوالوں کی اپیلیں بھی موجودہیں ، ق لیگ کےارکان ووٹ کاسٹ نہیں کرناچاہتےتھے، ق لیگ کےارکان نےکافی دیرسےووٹ کاسٹ کیا۔

وفاقی وزیر اعظم نذیر تارڑ نے کہا کہ پارٹی لیڈرٹکٹ دیتا ہے وہی ہدایت جاری کرتاہے، فل کورٹ نے2015میں ووٹ کااختیارپارٹی لیڈرکودیا۔

انہوں نے کہا کہ عدالتی فیصلوں کےمطابق پارٹی سربراہ کوفیصلوں کااختیارہے، فل کورٹ کی تشکیل سےتمام ابہام دورہوجائیں گے۔