پاکستان تحریک انصاف (پی ٹی آئی) کے بانی چیئرمین عمران خان نے رکن قومی اسمبلی شیر افضل مروت کے بیانات اور معدنی وسائل بل پر شدید تحفظات کا اظہار کیا ہے۔

ذرائع کے مطابق پاکستان تحریک انصاف کے بانی چیئرمین عمران خان کی اڈیالہ جیل میں اپنے وکلا سے ملاقات کی اندرونی کہانی سامنے آگئی۔

پی ٹی آئی ذرائع کے مطابق عمران خان نے شیر افضل مروت کے بیانات پر سخت برہمی کا اظہار کیا اور شیخ وقاص اکرم کو شیرافضل مروت کے الزمات کا دو ٹوک جواب دینے کی ہدایت کردی۔

ذرائع نے بتایا کہ بانی پی ٹی آئی نے کہا شیر افضل مروت کو پی ٹی آئی میں پلانٹ کیا گیا تھا، انہوں نے کہا شکر ہے شیر افضل مروت سے جان چھوٹی، اس کے علاوہ بانی پی ٹی آئی شیر افضل مروت کی جانب سے وکلا کی فیسوں اور علیمہ خان سے متعلق بیانات پر شدید برہم ہوئے۔

ذرائع کے مطابق بانی پی ٹی آئی عمران خان نے مائنز اینڈ منرلز بل پر تحفظات کا اظہار کیا اور علی امین گنڈاپور کو مائنز اینڈ منرلز بل سے پر ملاقات کے لیے بلایا۔

علیمہ خان مجھے گالیاں دلوا رہی ہیں، اب چپ نہیں رہوں گا، شیرافضل مروت

اسٹیبلشمنٹ سے بیک ڈور مذاکرات جاری ہیں، شیر افضل مروت کا بڑا دعویٰ

ذرائع کے مطابق عمران خان نے کہا ہمیں اسٹیبلشمنٹ کی نہیں اسٹیبلشمنٹ کو پی ٹی آئی ضرورت ہے، انہوں نے بیرسٹر گوہر کے معذرت خواہانہ رویے پر ان کو سخت پیغام بھجوایا اور پارٹی لیڈر شپ کو تمام اختلافات ختم کرنے کا پیغام بھیجا۔

ذرائع کے مطابق عمران خان کا کہنا تھا کہ حکومت نے افغانستان کے ساتھ بات چیت میں بہت دیرکردی ہے، خیبرپختونخوا دہشت گردی کا شکار صوبہ ہے، اس کے علاوہ عمران خان نے قانون کی عملداری نہ ہونے پر سلمان اکرم راجہ کو چیف جسٹس آف پاکستان کو خط لکھنے کی ہدایت کردی۔

بانی پی ٹی آئی نے کہا کہ مولانا فضل الرحمان کی جانب سے ہر بار رابطہ پر اعتراض کرنا مناسب نہیں کیونکہ ہم ملک اور عوام کے مفاد میں سب کو ساتھ لے کر چلنا چاہتے ہیں۔