Aaj News

ہفتہ, مئ 03, 2025  
05 Dhul-Qadah 1446  

لاہور میں جھگڑے کے دوران صلح کرانے والا شخص ہی قتل کر دیا گیا

قتل ہونے والے شخص کی سی سی ٹی وی فوٹیج سامنے آ گئی
شائع 04 اپريل 2025 07:02pm
علامتی تصویر
علامتی تصویر

لاہور میں جھگڑے کے دوران 50 سالہ شخص کو قتل کر دیا گیا۔ پولیس کے مطابق مقتول نوید محلے دار سے بھائی اور بھتیجوں کا جھگڑا ختم کرانے گیا تھا۔ قتل ہونے والے شخص کی سی سی ٹی وی فوٹیج سامنے آ گئی۔

تفصیلات کے مطابق صلح صفائی کے بعد ملزم نے پیچھے سے گولی مار دی جس سے 50 سالہ شخص جاں بحق ہو گیا۔

لاہور میں لڑائی جھگڑے کے دوران قتل ہونے والے شخص کی سی سی ٹی وی فوٹیج منظر عام پر آ گئی۔

50 سالہ شخص کے قتل کی کلوزسرکٹ فوٹیج میں دیکھا جا سکتا ہے کہ ملزم جمشید نے جھگڑا ختم کروانے والے نوید کو گولی ماردی۔

نوید اپنے بھائی اور بھتیجوں کا جھگڑا ختم کروانے آیا تھا۔ مسلح ملزم جمشید نے واپس پلٹتے نوید کو سر میں گولی ماری۔

ملزم قتل کی واردات کے بعد اسلحہ تھامے تسلی سے جائے وقوعہ پر کھڑا رہا، مقتول کا بھائی اور بھتیجا ملزم کے سامنے ہاتھ جوڑتے رہے۔

پولیس کے مطابق ملزم کی گرفتاری کی کوششیں جاری ہیں، واقعہ گزشتہ رات مستی گیٹ تھانے کی حدود میں پیش آیا۔

lahore

Crime