نئی کینالز کی تعمیر کے خلاف پیپلز پارٹی کے سندھ کے مختلف شہروں میں احتجاجی مظاہرے جاری ہیں، احتجاج کے دوران گھوٹکی، تھرپارکر، شکارپور، قمبر شہدادکوٹ و دیگر شہروں میں وفاقی حکومت کے خلاف نعرے بازی کی گئی۔

جیکب آباد

جیکب آباد میں دریائے سندھ سے نئے کینال نکالنے کیخلاف پیپلز پارٹی کی جانب سے ریلی نکال کر پریس کے سامنے نعرے بازی کی گئی۔

جیکب آباد سٹی صدر شوکت گھنیو کی سربراہی میں نکالی گئی ریلی پیپلز سیکریٹریٹ سے لیکر پریس کلب پہنچی، ریلی کے شرکاء نے نئے کینال نامنظور کے نارے بلند کئے،

مظاہرین کا کہنا تھا کہ دریائے سندھ سے 6کینال نکالنے کا عوام دشمن منصوبہ فوری بند کیا جائے، ان کا کہنا تھا کہ چولستان کو زرخیز بنانے کیلئے سندھ کو بنجر کرنے کی شازش کی جارہی ہے۔

مظاہرین نے مطالبہ کیا کہ ارسا ایکٹ کے تحت سندھ کو حصے کا پانی نہیں دیا جائے، ان کا کہنا تھا کہ  کینال نکالنے والے فیصلے کو واپس لیکرعوام کی بے چینی دورکی جائے۔

دریائے سندھ: کوٹری ڈاؤن اسٹریم میں پانی کی شدیدقلت سے انسانی اور آبی حیات متاثر، سیکڑوں لوگ نقل مکانی پر مجبور

نواب شاہ

نواب شاہ میں بھی :پیپلزپارٹی کی جانب سے کینالوں کی تعمیر کے خلاف احتجاج کیا گیا۔ پیپلزسیکریٹریٹ سے پریس کلب تک احتجاجی ریلی نکالی گئی۔

کارکنان نے مطاہرے کے دوران پریس کلب کے سامنے نئے کینال بنانے کے خلاف نعرے بازی کی۔

لاڑکانہ

لاڑکانہ میں پیپلز پارٹی کی جانب سے کینال منصوبہ کے خلاف ریلی نکال کراحتجاجی مظاہرہ کیا۔ ریلی کے شرکاء نے مختلف راستوں کا گشت کر کے جناح باغ چوک پردھرنا دیا۔

ایم پی اے جمیل سومرو کا کہنا تھا کہ کینالز کے خلاف ساری سندھ سراپا احتجاج ہے۔

تھرپارکر

تھرپارکر میں بھی دریائے سندھ سے کئنال نکالنے کے خلاف پی پی پی کی جانب سے مٹھی میں احتجاجی ریلی نکالی گئی۔ صادق فقیرچوک سے کشمیر چوک تک نکالی گئی ریلی میں مقامی رہنماؤں نے شرکت کی۔

رہنماؤں کا کہنا تھا کہ سندھ کے وسائل پر کوئی سمجھوتہ نہیں کریں گے، صدر زرداری مشترکہ پارلیمنٹ میں کئنال منصوبوں پر واضح مؤقف دے چکے ہیں، بلاول بھٹو 4 اپریل کے بعد ہر ضلع ہیڈ کوارٹر میں جا کرجلسے کریں گا۔

گھوٹکی

گھوٹکی میں سندھ دریا سے کینال نکالے جانے کے خلاف پیپلز پارٹی کی جانب سے احتجاج کیا گیا، ضلعی ہیڈ کوارٹر میرپور ماتھیلو میں گھنٹہ گھر سے بھٹائی چوک تک احتجاجی ریلی نکالی گئی۔

ریلی کی قیادت پی پی پی کے ضلعی جنرل سیکرٹری سکندر علی لاکھو نے کی، ریلی کے شرکا نے وفاقی حکومت کے خلاف سخت نعرے بازی کی۔

دریاؤں میں پانی کے بہاؤ میں خطرناک حد تک گراوٹ، بارشوں کی کمی نے خطرے کی گھنٹی بجا دی

قمبرشہدادکوٹ

قمبرشہدادکوٹ میں دریائے سندھ پر کئنالز بنانے کے خلاف پیپلز پارٹی نے احتجاجی ریلی نکالی۔ پیپلزپارٹی کارکنان نے ضلعی صدر قمرالدین گوپانگ کی زیرقیادت ریلی نکالی

ریلی میں کاشتکاروں اور دکانداروں نے بھی شرکت کی۔ ریلی کے شرکا نے مرکزی بھٹوچوک پردھرنا دے کر ٹریفک معطل کر دی۔

ترجمان سندھ حکومت و ایم پی اے سعدیہ جاوید

ترجمان سندھ حکومت اور ایم پی اے سعدیہ جاوید نے بیان میں کہا کہ پی پی کا 6 کینال منصوبے کیخلاف احتجاج، عوام کی آواز ہے، پی پی ہمیشہ سندھ کے پانی کے مسئلے پر جدوجہد کرتی آئی ہے۔

ترجمان سندھ حکومت کا کہنا تھا کہ ہم نے پہلے بھی کالاباغ ڈیم کیخلاف جنگ لڑی، آج کے احتجاج سے وفاق کو دستبردار ہونے پر مجبور کرینگے۔