وزیر اطلاعات پنجاب عظمیٰ بخاری کی اپوزیشن پر کڑی تنقید، کہا کہ وزیراعلیٰ مریم نواز کی بہترین کارکردگی کی سب گواہی دے رہے ہیں، سندھ او خیبرپختونخوا کے لوگ خواہش کا اظہار کر رہے ہیں کہ ان کے پاس مریم نواز جیسی وزیراعلیٰ ہوتی۔

لاہور میں پریس کانفرنس کرتے ہوئے صوبائی وزیراطلاعات عظمیٰ بخاری کا کہنا تھا کہ سروے رپورٹ میں 70 فیصد لوگ وزیراعلیٰ مریم نواز کی کارکردگی سے متاثر ہیں، وزیراعلیٰ مریم نواز کسانوں کو سہولیات دے رہی ہیں، اس وقت 54 ارب روپے کے قرضے چھوٹے کسانوں کو دیئے جا چکے ہیں۔

عظمیٰ بخاری کا بیرسٹر سیف کے بیان پر ردعمل سامنے آگیا

انہوں نے بتایا کہ وزیراعلیٰ کے کسان کارڈ پر اب تک 54 ارب روپے کی خریداری ہو گئی ہے، پنجاب حکومت اب تک 10 ہزار گرین ٹریکٹرز دے چکی ہے، وزیراعلیٰ مریم نواز اب تک 30 ہزار بچوں کو سکالر شپس دے چکی ہیں۔

صوبائی وزیر کا کہنا تھا کہ وزیراعلیٰ مریم نواز تمام بڑی بیماریوں کی ادویات مریضوں کے گھروں تک پہنچاتی ہیں، ڈائیلسز پروگرام کے تحت 10 لاکھ تک کا کارڈ لوگوں کو مل رہا ہے، وزیراعلیٰ مریم نواز 10ماہ میں ایئرایمبولینس سروس لائیں،وزیراعلیٰ لائیوسٹاک کارڈ کی سہولت لائیں، جو مویشی یہاں پالے جائیں گے ان کو باہر بھیج کر زرمبادلہ کمایا جائے گا، وزیراعلیٰ مریم نواز نے اپنی چھت اپنا گھر پروگرام جیسا فلیگ شپ منصوبہ شروع کیا، اس منصوبے میں ہزاروں گھر بن چکے ہیں۔

دہشتگردی کے واقعات کو سیاسی رنگ دینے والے قابل نفرت ہیں، عظمیٰ بخاری

لیگی رہنما کا کہنا تھا کہ آج وزیراعلیٰ مریم نواز کے سارے منصوبوں سے بزدار کو جوڑا جا رہا ہے، عثمان بزدار اتنے قابل ہوتے تو اپنا تعارف خود ہی کرا لیتے، روڈا کا منصوبہ پی ٹی آئی حکومت نے تباہ وبرباد کیا، روڈا منصوبے پر تمام صحافیوں کو ٹرک کی بتی کے پیچھے لگایا گیا.

انہوں نے کہا کہ پی ٹی آئی دور میں کینسر کے مریضوں تک کی ادویات بند کر دی گئی تھیں، انہوں نے یہ بھی جھوٹ بولا کہ ایئرایمبولینس لانی ہے، یہ کہتے تھے الیکٹرک بسیں لائیں گے۔

وزیر اطلاعات پنجاب عظمیٰ بخاری نے خیبرپختونخوا حکومت کو آڑے ہاتھوں لے لیا

عظمیٰ بخاری کا مزید کہنا تھا کہ کچھ سیاسی بونوں اور سیاسی یتیموں کو سمجھ نہیں آتی، اپوزیشن لیڈر احمد خان بھچر کو مفت مشورہ ہے کہ جس نے وائٹ پیپر کی معلومات بھیجی ہیں وہ آپ کا دوست نہیں ہے، اسے بلاک کردیں۔

پی ٹی آئی نے جرنلسٹ ہاؤسنگ سوسائٹی فیز ٹو کیلئے روڑا کو برباد کیا، صحت کارڈ میاں نوازشریف کا منصوبہ تھا جس پر پی ٹی آئی نے اپنا رنگ روغن کیا۔۔ ہم نے چون ارب روپے کے قرضے چھوٹے کسانوں کو دئیے ہیں، پی ٹی آئی حکومت نے کسان سے پانچ سو روپے تو لئے لیکن پیسے خزانہ سے اپنی جیبوں میں ڈالے۔