وزیردفاع خواجہ آصف نے کہا ہے کہ استعفے سے معاملہ حل ہوتا ہے تو میں استعفی دینے کو تیارہوں۔ مجھے اس پر کوئی اعتراض نہیں ہے۔

پارلیمنٹ ہاؤس کے باہر میڈیا سے گفتگو کے دوران صحافی نے سوال کیا کہ اپوزیشن کا کہنا ہے کہ سانحہ جعفر ایکسپریس کی وجہ آپ ہے۔

وزیردفاع خواجہ آصف نے اگر اپوزیشن کا کہنا ہے کہ سانحہ جعفر ایکسپریس کی ذمہ داری میری ہے اور استعفے سے مسئلہ حل ہو سکتا ہے، تو میں استعفی دینے کے لیے تیار ہوں۔

جعفر ایکسپریس پر حملے کے بعد نفرت انگیز مہم میں ملوث ملزم بنی گالہ سے گرفتار

انہوں نے مزید کہا کہ مجھے اس پر کوئی اعتراض نہیں ہے، اور اگر اس سے معاملات بہتر ہوتے ہیں تو وہ اپنی ذمہ داری کا مظاہرہ کریں گے۔

خواجہ آصف نے اس موقع پر کہا کہ سانحہ جعفر ایکسپریس کی تحقیقات کی جا رہی ہیں، اور اس معاملے میں تمام پہلوؤں کا جائزہ لیا جائے گا۔

قومی سلامتی صورتحال، وزیراعظم کی ایڈوائس پر پارلیمانی کمیٹی کا ان کیمرا اجلاس طلب

ان کا کہنا تھا کہ وہ پارلیمنٹ میں اس معاملے پر تفصیل سے بات کرنے کے لیے تیار ہیں، اور اپوزیشن کے سوالات کا جواب دینے میں کوئی ہچکچاہٹ محسوس نہیں کرتے۔