امریکا نے ایرانی وزیر تیل محسن پاک نژاد سمیت کئی ایرانی شخصیات، آئل ٹینکرز اور تجارتی کمپنیوں پر پابندیاں لگا دیں۔

غیر ملکی میڈیا رپورٹس کے مطابق امریکی وزیر خزانہ کا کہنا ہے کہ ایران تیل کے وسائل سے حاصل ہونے والی آمدنی خطرناک مفادات کے فروغ کے لیے استعمال کرتا ہے۔

رپورٹ کے مطابق ایران کی جانب سے امریکی پابندیوں کی شدید مذمت کی گئی ہے۔

مذاکرات کے نام پر دھمکیاں قبول نہیں، ایرانی سپریم لیڈر نے ٹرمپ کی تجویز مسترد کردی

ترجمان ایرانی وزارت خارجہ اسماعیل بقائی نے کہا ہے کہ نئی امریکی پابندیاں اس بات کا واضح ثبوت ہے کہ مذاکرات کا دعویٰ محض دھوکا ہے۔

ترجمان وزارت خارجہ کا کہنا تھا کہ ایران کا جوہری پروگرام پُرامن مقاصد کے لیے ہے۔