امریکی صدر ڈونلڈ ٹرمپ نے امریکا اور برطانیہ کے درمیان جلد ایک عظیم تجارتی معاہدے کا اعلان کیا ہے۔

غیر ملکی میڈیا رپورٹ کے مطابق امریکی صدر کی برطانوی وزیراعظم سے وائٹ ہاؤس میں ملاقات ہوئی جس میں برطانوی وزیراعظم نے صدر ٹرمپ کو بادشاہ کی جانب سے دورہ برطانیہ کی دعوت دی جو انہوں نے قبول کرلی۔

وائٹ ہاؤس میں ہوئی ملاقات میں صدر ٹرمپ نے سرکئیراسٹارمر کو خاص شخص قرار دیا، مشترکہ نیوز کانفرنس میں ٹرمپ کا کہنا تھا کہ یوکرین کے ساتھ معدنیات کا معاہدہ روس کے خلاف کیف کی سلامتی کی ضمانت ہے۔ یوکرینی صدر جمعے کو ملاقات کے لیے آئیں گے۔

ٹرمپ نے افغانستان میں دہشتگردی میں امریکی اسلحے کے استعمال کے پاکستانی موقف کی تصدیق کردی

ملاقات کے دوران امریکی صدر کا کہنا تھا کہ روس یوکرین جنگ کا خاتمہ سب کے مفاد میں ہے۔ طویل ماہ سے جاری خونی جنگ میں کئی جانوں کا ضیاع ہوا ہے۔

ٹرمپ کا کہنا تھا کہ روسی صدر پیوٹن سے فون پر اچھی گفتگو ہوئی۔ امید ہے وہ اپنی باتوں پر قائم رہیں گے۔

امریکی صدر نے کہا کہ یوکرین جنگ بندی کی کوششیں تیزی سے آگے بڑھ رہی ہیں، روس یوکرین جنگ بندی معاہدہ ابھی نہیں ہوا توپھرکبھی نہیں ہوسکے گا، اگر میں اُس وقت امریکی صدر ہوتا تو روس یوکرین جنگ نہ ہوتی۔

اہم امریکی اراکین کانگریس کا ٹرمپ حکومت سے بانی کی رہائی میں کردار ادا کرنے کا مطالبہ

غزہ سے متعلق ایک سوال کے جواب میں صدر ٹرمپ نے کہا کہ ہم نے غزہ میں اچھی پیش رفت کی اور بات چیت کر رہے ہیں۔ مشرق وسطیٰ کے مسائل حل کی طرف جا رہے ہیں۔ غزہ جنگ بندی کا دوسرا مرحلہ نتیجہ خیز ہوگا۔

ادھر برطانوی وزیراعظم کیئر اسٹارمر نے کہا کہ امریکا کی ضمانت کے بغیر یوکرین میں امن قائم نہیں ہوسکتا، یوکرین روس تنازعے پر امریکا کے ساتھ مل کر کام کریں گے۔