چیف جسٹس آف پاکستان جسٹس یحییٰ آفریدی نے ڈیرہ اسماعیل خان جیل کا دورہ کیا، جہاں انہوں نے قیدیوں کے مسائل سنے۔

سپریم کورٹ کے اعلامیے کے مطابق چیف جسٹس یحییٰ آفریدی نے مختلف بیرکس کا دورہ کیا اور قیدیوں کے مسائل معلوم کیے۔

اعلامیے میں کہا گیا ہے کہ چیف جسٹس نے قیدیوں کو میسر صحت کی سہولیات کا جائزہ لیا، چیف جسٹس کا دورہ ریفارمز پالیسی کا حصہ تھا۔

اعلامیے کے مطابق چیف جسٹس نے ڈیرہ اسماعیل خان میں ڈسٹرکٹ اینڈ سیشن ججز سے بھی ملاقات کی، ملاقات میں ٹانک اور وزیرستان سے ضلعی عدلیہ کے ججز نے بھی شرکت کی۔

اس موقع پر چیف جسٹس یحییٰ آفریدی نے کہاکہ دور دراز اور پسماندہ علاقوں میں اصلاحات ترجیح ہیں۔