عطا تارڑ نے دعاکے لیے ہاتھ اٹھالیے۔ مریم نواز نے پیغام میں کہا پوری قوم کی دعائیں آپ کے ساتھ ہیں۔ شیری رحمان کہتی ہیں بھارت کے خلاف بڑی پرفارمنس آپ کو ہیرو بنا سکتی ہے۔ میئرکراچی مرتضی وہاب کہتے ہیں ایک ہی نعرہ ہے،جیتے گا، جیتے گا، پاکستان جیتے گا۔

تفصیلات کے مطابق وفاقی وزیر اطلاعات عطا تارڑ نے پاکستان پاکستان اوربھارت کے درمیان کرکٹ کے حوالے سے اپنے پیغام میں کہا ہے کہ پاک بھارت میچ کے لیے ہمیشہ سے جذباتی رہا ہوں، دعا ہے پاکستان جیت جائے۔

وزیراعلیٰ پنجاب مریم نواز نے کھلاڑیوں کے نام پیغام میں کہا جم کر کھیلو، پوری قوم کی دعائیں آپ کے ساتھ ہیں۔

پیپلز پارٹی کی رہنما اور سینیٹر شیری رحمان کہتی ہیں بھارت کے خلاف بڑی پرفارمنس آپ کو ہیرو بنا سکتی ہے۔ پوری قوم کی پاکستانی ٹیم کی جیت کے لئے دعا ہے۔

مئیرکراچی مرتضی وہاب کہتے ہیں ہمارا ایک ہی نعرہ ہے، جیتے گا، جیتے گا، پاکستان جیتے گا۔ پوری قوم کی پاکستانی ٹیم کی جیت کے لئے دعا ہے، جو بھی ٹیم جیتے گی اس کا دن ہوگا، پاکستان کی جیت کے لئے بھر پور پر امید ہیں، آج کا میچ تاریخی ہو گا۔