سوشل میڈیا پر ایک بار پھر اینی میٹڈ سیریز ’دی سمپسن‘ کے حوالے سے پیشگوئیوں کا چرچا ہے، اور اس بار دعویٰ کیا جا رہا ہے کہ کارٹون نے پاکستان کی چیمپئنز ٹرافی میں کامیابی کی پیشگوئی کی ہے۔

تاہم، حقیقت اس کے برعکس نکلی، یہ تصاویر مصنوعی ذہانت کے ذریعے تخلیق کی گئی ہیں اور سوشل میڈیا صارفین کو گمراہ کرنے کی کوشش کی گئی ہے۔

یہ پہلا موقع نہیں کہ دی سمپسن کی پیشگوئیوں نے توجہ حاصل کی ہو۔ ماضی میں سابق امریکی صدر ڈونلڈ ٹرمپ کی کامیابی، نائب صدر کملا ہیرس کی جیت اور لاس اینجلس میں آتشزدگی جیسے واقعات سے متعلق پیشگوئیاں سامنے آئیں، جن میں سے بعض درست ثابت ہوئیں، جبکہ کچھ کو محض اتفاق سمجھا گیا۔

کرکٹ کی 100 سالہ تاریخ کے مشکل ترین کیچ نے سب کو حیران کردیا

چیمپئنز ٹرافی 2025، پاکستان میزبان اور بڑی ٹیموں کی دوڑ

پاکستان کو چیمپئنز ٹرافی 2025 کی میزبانی کا اعزاز حاصل ہوا ہے، جہاں قومی ٹیم کو بھارت، انگلینڈ، اور نیوزی لینڈ کے ساتھ ٹاپ فور میں شامل کیے جانے کا امکان ہے۔ حیران کن طور پر، آسٹریلوی ٹیم اس بار سیمی فائنل کی دوڑ میں فیورٹ نہیں سمجھی جا رہی، کیونکہ ان کے چار اہم کھلاڑی فٹنس مسائل کے باعث ٹیم سے باہر ہو چکے ہیں۔

میگا ایونٹ کا آغاز 19 فروری کو کراچی کے نیشنل اسٹیڈیم میں پاکستان اور نیوزی لینڈ کے میچ سے ہوگا، جبکہ فائنل 9 مارچ کو کھیلا جائے گا۔

2024 میں کون سے مشہور کھلاڑی کرکٹ چھوڑ گئے؟ تفصیلات جانیے

لہٰذا، سوشل میڈیا پر وائرل ہونے والی اے آئی سے تخلیق شدہ تصاویر پر یقین کرنے سے پہلے تحقیق ضرور کرنی چاہیے تاکہ حقیقت اور فریب میں فرق کیا جا سکے۔