خیبر پختنونخوا کے ضلع تیمرگرہ کے سرکاری اسپتال میں دستانوں کی خریداری میں کروڑوں کی کرپشن کا معاملہ خیبر پختونخوا اسمبلی تک پہنچ گیا، صوبائی اسمبلی میں توجہ دلاؤ نوٹس جمع کرا دیا گیا۔

ڈسٹرکٹ ہیڈ کوارٹر اسپتال تیمرگرہ میں دستانوں کی خریداری میں کروڑوں روپے کی کرپشن کی گونج خیبر پختونخوا اسمبلی پہنچ گئی ہے، ایم پی اے عبید الرحمٰن نے دستانہ اسکینڈل پر صوبائی اسمبلی میں توجہ دلاؤ نوٹس جمع کرا دیا ہے۔

خیبر پختونخوا اسمبلی اجلاس میں مسائل پر بحث، سوالات متعلقہ کمیٹیوں کو بھیج دیئے گئے

نوٹس کے مطابق 2023-24 کے نگران دور حکومت میں ڈی ایچ کیو اسپتال تیمرگرہ کے لیے 14 کروڑ روپے مالیت کے 65 ہزار دستانوں کے باکس جاری کیے گئے۔

اسپتال کو صرف 2500 دستانوں کے باکس فراہم کیے گئے، مارکیٹ میں ایک دستانہ باکس کی قیمت ہزار روپے ہے، جبکہ اسپتال کو دستانوں کا ایک باکس 2200 روپے میں فراہم کیا گیا۔

پاکستان دنیا کا 46 واں کرپٹ ترین ملک بن گیا، ٹرانسپرنسی انٹرنیشنل رپورٹ

متن کے مطابق سادہ دستانے، سرجیکل دستانوں کے نام پر مہنگے داموں فراہم کیے گئے، متعلقہ حکام کے خلاف قانونی کارروائی عمل میں لائی جائے۔