سعودی عرب نے اپنی ویزا پالیسی میں بڑی تبدیلیوں کا اعلان کر دیا ہے، جس کا براہ راست اثر پاکستان سمیت 14 ممالک پر پڑے گا۔ اس اقدام کا مقصد حج کے دوران غیر قانونی طور پر مکہ مکرمہ میں داخل ہونے والے افراد کو روکنا اور حجاج کرام کے لیے بہتر انتظامات کو یقینی بنانا ہے۔

سعودی حکام کے نئے قانون کے تحت 14 ممالک کے شہریوں کے لیے ملٹی پل انٹری ویزا کو غیر معینہ مدت کے لیے معطل کر دیا گیا ہے، اب یہ شہری صرف سنگل انٹری ویزا حاصل کر سکتے ہیں۔

متاثرہ ممالک کون سے ہیں؟

سعودی حکام کے مطابق، جن 14 ممالک کے شہری اس فیصلے سے متاثر ہوں گے، ان میں پاکستان، بھارت، بنگلہ دیش، انڈونیشیا، مصر، الجزائر، مراکش، ایتھوپیا، عراق، اردن، نائجیریا، سوڈان، تیونس اور یمن شامل ہیں۔

نئے ویزا قوانین کیا ہیں؟

یکم فروری 2025ء سے نافذ العمل نئے قوانین کے تحت ان ممالک کے شہری اب صرف سنگل انٹری ویزا کے لیے درخواست دے سکیں گے۔

سعودی وزارت کی حج و عمرہ زائرین کیلیے بہترین سہولت متعارف

ملٹی پل انٹری ویزا عارضی طور پر معطل کر دیا گیا ہے، تاہم اس کی بحالی کے حوالے سے کوئی حتمی تاریخ نہیں دی گئی۔

سنگل انٹری ویزا صرف 30 دن کے لیے قابل استعمال ہوگا۔

سنگل انٹری ویزا کی یہ پابندی حج، عمرہ، سفارتی، اور رہائشی ویزوں پر لاگو نہیں ہوگی۔

سعودی وزارت داخلہ کے مطابق، ہر سال لاکھوں مسلمان حج کی سعادت حاصل کرنے کے لیے مکہ مکرمہ آتے ہیں، اور حکومت نے ہر ملک کے لیے مخصوص حج کوٹا مقرر کر رکھا ہے۔ تاہم، ملٹی پل انٹری ویزا رکھنے والے بعض افراد بغیر اجازت حج میں شامل ہو جاتے تھے، جس سے انتظامات میں شدید مشکلات پیش آتی تھیں اور حرم شریف میں ہجوم قابو سے باہر ہو جاتا تھا۔

گزشتہ سال حج کے دوران شدید گرمی اور حبس کے باعث 1200 سے زائد حجاج جاں بحق ہو گئے تھے، جن میں زیادہ تر وہ افراد شامل تھے جو بغیر اجازت حج میں شریک ہوئے تھے۔ اس سانحے کے بعد سعودی حکومت نے حج کے دوران مزید سخت اقدامات کرنے کا فیصلہ کیا ہے۔

ملٹی پل انٹری ویزا کی معطلی کب تک رہے گی اس سلسلے میں سعودی حکام نے واضح کیا ہے کہ یہ پابندی عارضی ہے، تاہم اس کے خاتمے کے حوالے سے کوئی واضح ٹائم فریم نہیں دیا گیا۔

جو افراد سعودی عرب جانے کا ارادہ رکھتے ہیں، وہ اب صرف سنگل انٹری ویزا کے لیے درخواست دے سکتے ہیں۔

کونسے ممالک کے باشندے سیاحتی یا ٹرانزٹ ویزے پر عمرہ کرسکیں گے؟

سفر سے پہلے سعودی سفارت خانے یا ویزا ایجنسی سے تازہ ترین معلومات حاصل کرنا ضروری ہوگا۔

حج یا عمرہ کے خواہشمند افراد کو مصدقہ حج و عمرہ ایجنسیز کے ذریعے ہی ویزا کے عمل کو مکمل کرنا چاہیے۔

سعودی عرب کی ویزا پالیسی میں یہ بڑی تبدیلی ان ممالک کے لاکھوں شہریوں کو متاثر کرے گی، خاص طور پر وہ افراد جو بار بار سعودی عرب کا سفر کرتے ہیں۔

اگرچہ اس اقدام سے حج کے دوران ہجوم کو کنٹرول کرنے میں مدد ملے گی، لیکن کاروباری اور نجی سفر کرنے والے افراد کو مشکلات کا سامنا کرنا پڑ سکتا ہے۔ تاہم متاثرہ ممالک کے شہریوں کو ان نئے قواعد کے مطابق اپنی سفری منصوبہ بندی کرنی ہوگی۔