سوڈان کی ریاست دارفور میں ایک اسپتال پر ڈرون حملہ کیا گیا جس میں 67 افراد ہلاک اور متعدد زخمی ہوگئے ہوگئے۔

غیر ملکی میڈیا کے مطابق سوڈان کے ریاست شمالی دارفور کے شہر الفشر میں واقع اسپتال کو ڈرون حملے کا نشانہ بنایا گیا جس کے نتیجے میں 67 افراد ہلاک اور متعدد زخمی ہوگئے۔

رپورٹ کے مطابق الفشر کا ’سعودی اسپتال‘ دارفور کا آخری فعال اسپتال تھا، ڈرون حملے سے اسپتال ایمرجسنی وارڈ کی عمارت کو کافی نقصان پہنچا جبکہ ہلاک ہونے والوں میں مریض اور ان کے اہلخانہ بھی شامل تھے۔

غیر ملکی میڈیا کے مطابق اسپتال پر حملہ کس گروپ کی جانب سے کیا گیا اس بارے میں ابھی تک کوئی اطلاع نہیں ہے۔

بیوی کو دھوکے سے آسٹریلیا سے سوڈان بھیجنے پر شوہر کو قید کی سزا

ایک ذرائع نے اپنا نام ظاہر کیے بغیر اطلاع دی کہ ڈرون حملے میں زخمی ہونے والے 37 افراد آج دم توڑ گئے۔ اس طرح ہلاک ہونے والوں کی کل تعداد 67 ہو گئی ہے۔

بھارت: آرڈیننس فیکٹری میں زوردار دھماکہ، 8 افراد ہلاک

سوڈانی فوج اپریل 2023 سے ریپڈ سپورٹ فورسز (RSF) نامی مسلح فوجی گروپ کے خلاف جنگ لڑ رہی ہے۔ RSF نے دارفور کے تقریباً پورے مغربی علاقے کا کنٹرول سنبھال لیا ہے، جو کہ ایک وسیع علاقہ ہے۔

رپورٹ میں کہا گیا کہ گذشتہ برس مئی سے ریپڈ سپورٹ فورس نے الفشر شہر کا محاصرہ کر رکھا ہے تاہم وہ شہر کا کنٹرول حاصل نہیں کر سکی کیوں کہ انہیں سوڈانی فوج کی جانب سے مزاحمت کا سامنا ہے۔