کیپ ٹاؤن: آئی سی سی نے سلو اوور ریٹ کے باعث پاکستانی ٹیم پر جرمانہ عائد کر دیا ہے۔

جرمانہ کی تفصیلات کے مطابق پاکستانی کھلاڑیوں کی میچ فیس کا 25 فیصد جرمانہ عائد کیا گیا۔ آئی سی سی نے ورلڈ ٹیسٹ چیمپئن شپ کے 5 پوائنٹس بھی کاٹ لئے ہیں۔

کپتان شان مسعود نے سلو اوور ریٹ کی غلطی تسلیم کی ہے۔ پاکستان کی ٹیم کیپ ٹاؤن ٹیسٹ میں مقررہ وقت سے پانچ اوور پیچھے رہی۔

پی ایس ایل 10: ڈرافٹنگ تقریب کی تفصیلات

لاہور: پاکستان سپر لیگ (پی ایس ایل) کے 10ویں سیزن کے لیے ڈرافٹنگ کی تقریب 13 جنوری کو لاہور میں منعقد ہوگی۔

ڈرافٹنگ کی تقریب حضوری باغ لاہور قلعہ میں ہوگی، جیسا کہ پی سی بی نے اعلان کیا ہے۔ لاجسٹک مسائل کی وجہ سے تقریب کو گوادر سے لاہور منتقل کیا گیا۔

ایونٹ کے ٹرافی ٹور کے روٹ میں گوادر بھی شامل ہوگا۔ ایونٹ کی نشریات دوپہر ساڑھے بارہ بجے شروع ہوں گی۔پاکستان سپر لیگ کا میلہ 8 اپریل سے 19 مئی کے درمیان منعقد ہوگا۔