اٹک میں زمین کے تنازعہ پر فائرنگ سے 3 افراد جاں بحق ہوگئے، متوفین کا تعلق ایک ہی خاندان سے ہے۔

اٹک کی تحصیل جنڈ کے علاقے گلیال میں زمین کے تنازعہ پر فائرنگ سے 3 افراد کے جاں بحق ہونے پر پولیس اور ریسکیو 1122 کی ٹیمیں جائے وقوعہ پرپہنچ گئیں۔

پولیس کے مطابق جاں بحق ہونے والوں میں 50 سالہ ممارث ، 30 سالہ عامر اور 26 سالہ کامران شامل ہیں، لاشوں کو ایمبولینس کے ذریعے تحصیل اسپتال منتقل کر دیا گیا۔

پولیس نے بتایا کہ واقعہ خاندانی دشمنی کا شاخسانہ ہے، فریقین کے درمیان آئے روز جھگڑا رہتا تھا، ڈی پی او کی ہدایت پر تفتیش کا آغاز کردیا۔

دوسری جانب پولیس کی فرانزک ٹیمیں موقع پر پہنچ گئی ہیں، شواہد کی روشنی میں مقدمہ کا اندراج کیا جائے گا۔