اسلام آباد سے کراچی آنے والی نجی ایئرلائن میں اس وقت خوف و ہراس پھیل گیا جب طیارے میں موجود دو مسافروں نے بم موجود ہونے کی اطلاع دی۔

ایئر پورٹ ذرائع کے مطابق دونوں مسافروں کی جانب دی جانے والی اطلاع جھوٹی ثابت ہوئی جس کے بعد سیکیورٹی نے مسافروں کو گرفتار کرلیا۔

خیبرپختونخوا حکومت نے پی آئی اے خریدنے کے لیے وفاق کو خط لکھ دیا

بعد ازاں متعلقہ حکام نے ایس او پی کے تحت طیارے کی مکمل جانچ پڑتال کی جس کے باعث طیارے کو پرواز بھرنے میں تاخیر کا سامنا کرنا پڑا۔

علاوہ ازیں ذرائع نے بتایا کہ طیارے کے لیگیج ایریا سمیت مسافروں کے سامان کی مکمل جانچ کی گئی، تاہم بم کی اطلاع جھوٹی نکلی جس کے بعد طیارے کو کلیئر قرار دے دیا گیا۔

ایئر پورٹ ذرائع طیارے میں 100 سے زائد مسافر سوارہیں، طیارے کو کچھ دیر بعد کراچی کے لئے روانہ کر دیا جائے گا۔